近月一班o靚模為宣傳噴血寫真「胸湧」而出，引起網民反感，令藝人紛紛與o靚模劃清界線。o靚模新聞亦鑊鑊新鮮鑊鑊甘。近日就傳出一班人氣o靚模及天使，竟在灣仔、尖沙嘴等私竇賣淫，而場內更有o靚模相簿供客揀選，相簿中有Lavina（鍾蕙芝）、Rainbow（胡心諾）及天使「藍莓」劉俐。
負面新聞多，o靚模四面楚歌，但近期人氣沸騰嘅公屋o靚模Lavina，一於懶理賣淫傳聞，為脫貧近日專心釣金龜，與家擁億萬身家的衣架大王太子爺劉德俊（William）拍拖，一有空便相見，非常纏綿。
o靚模拋胸唧奶都係為搵銀，依家就話有筍盤在手，不過唔知長唔長久啫！
憑34E導彈突圍、21歲的Lavina（鍾蕙芝）出道3個月已成o靚模是非之冠，除被網友圍攻外，又狂被楊崢等名模狠批做唔長。但自Lavina成功上位後，即時吸引到不少富豪問價。雖然負面新聞纏身，卻出奇未有嚇窒追求者。
據知Lavina近日被億萬身家的「衣架大王」劉璜公子劉德俊（William）瘋狂追求，現時已正式拍拖。據William友人透露：「兩星期前William喺一個名車攝影活動中認識Lavina，佢見到Lavina已經嗒晒糖，仲即刻問Lavina攞電話，又同啲friend講個女仔好靚。之後就見佢成日揸住個電話send MSN，又成日用靚車管接管送。有一次William仲帶埋Lavina同朋友飲嘢，咁樣全世界都知佢哋拍拖啦。」
密密見男友
本周日（19日）晚，William就駕駛白色GTR跑車接Lavina到銅鑼灣崇光百貨購買化妝品，雖然見他極無興趣，但仍乖乖站在一旁。不消十分鐘Lavina便買到戰利品，之後William便駕車送Lavina回家。
本周二（21日），Lavina做完訪問後，便去了太古城購物，至九時多便看見William揸住白色法拉利接女友到鯉景灣食飯。他們在Beira DosNamorados葡國餐廳坐低，二人喁喁細語，似有說不完話題。其間Willaim不時凝望吊帶低胸的Lavina，相當陶醉。食飯其間記者上前拍照，William和Lavina顯得非常驚訝，並隨即埋單走人。
大讚好仔
出身屋邨的Lavina兩歲喪父，母親因膝頭有骨腫瘤而不良於行，所以早年需攞綜援過活，要靠Lavina任職o靚模養家。不過隨着show價焱風升，Lavina不但在短短3個月狂賺30萬，還釣到金龜。因此當眾o靚模為書展搏殺，Lavina卻可以輕鬆與億萬闊少撐抬腳。
對於拍拖一事，記者在本周三（22日）在柴灣地鐵站守候Lavina，她雖然沒有回應二人是否拍拖，但卻勁讚William有風度，她說：「佢真係一個好男仔，好有風度，會揸車接我。尋日俾你哋（記者）影到都冇發脾氣。（你知唔知佢屋企好有錢?）我淨係知佢有好多靚車，但屋企做咩，有幾多錢我無問，我哋唔係講錢嘅。（William有冇問你有關賣淫傳聞？）冇。（呢件事有冇影響你哋交往？）」無任何影響，我啲朋友唔會問我呢啲新聞。」咁大件事問都唔問，睇嚟William都幾信女友喎。
o靚模有價
自o靚模崛起，即成不少富豪老闆問價對象，有傳她們的飯局及肉金價比一級名模平宜得多，現時一級名模上床價最低消費都要40萬，但o靚模幾萬有交易，故近日不少玩家都轉投o靚模懷抱。市場中有傳叫價最高是漏雪糕落胸的周秀娜。
飄移車神
07年在內地參加飄移比賽的劉德俊，16歲在加拿大考取車牌後便愛上賽車，曾在美國參加房車賽得季軍。擁有十部dream car的他，幾乎全屬雙門跑車，包括林寶堅尼、法拉利、保時捷及Benz跑等，而家中唯一一部保時捷四驅車，是用來接載家人和朋友。
衣架大王身家起底
現年25歲、含住金匙出世的劉德俊（William），父親劉璜在香港商界有衣架大王之稱，坐擁億萬身家，其公司「鴻基衣架廠」於82年成立，以生產各類塑膠衣架聞名，並於中國東莞投資興建九萬平方呎大型廠房，每日可生產1百萬隻衣架，而「鴻基」客戶主要來自北美洲、大洋洲及西歐，每年營業額近8千萬港元。
前年劉父將原本用作投資、市值六千多萬的九肚山馬影徑的六千呎獨立屋（圖），送給William作居所。
非常識嘆的William，更在九肚山家中園庭建了一間以泰國resort為藍本的玻璃屋spa房，內有大型按摩池，不知這間spa房是否他的拍拖勝地。
自立門戶棄父蔭
雖然老竇大把錢，但William卻靠自己建立事業。William13歲被父母送到加大拿讀書，養成獨立性格，但在19歲準備入大學前，被父親急召返港打理家族生意，從sales到marketing由低做起，其間William更曾為公司傾成一單大生意，享得可觀分紅。但他不甘心一世靠父蔭，故於前年用自己的積蓄投資百萬，開設HKentertainment（鴻基）的製作公司，幫品牌如CK及黛安芬等搞宣傳活動。- (id:kenwchch)
21/7 撞破拍拖 衣架大王公子︰黑面扁嘴
本周二晚，衣架大王太子爺劉德俊帶女友Lavina到鯉景灣撐枱腳，但被記者撞破約會後，即發少爺脾氣，面燶兼嘴藐藐，仲問都無問女友，就即時埋單走人。
嚇到遮面
近期見慣風浪的Lavina，對記者打斷她跟富貴男友約會顯得手足無措，男友黑面，她則用雜誌遮面避鏡頭。
撇女走
約會無癮地結束，劉德俊撇下女友踩行油揸車走，Lavina就截的士返家，兩個被迫分頭鬆人。
