洪天明昨日首次與緋聞女友「天明嫂」周家蔚齊齊以情侶檔行泳衣騷銀，同場還有陳爽和周美欣。昨日幾人在屯門黃金海岸出席夏日活動，席間眾女藝員均穿上性感泳衣，反而洪天明甚錫身，未肯裸露上身上陣，天明玩遊戲時更high到發現自己的褲頭拉鏈未拉上。
洪天明扮含蓄蹺實周家蔚，反而周家蔚大方笑不停。
洪天明一男拖三女上陣，問他在後台是否春光如畫，他笑說：「眼生出嚟係用嚟睇嘢，睇都好正常啫。」在旁的周家蔚更力撐他，指成熟的男仔才會望女仔。洪天明雖喜看靚女，但對時下的o靚模宣傳寫真手法看不過眼，他說：「書展賣寫真冇問題，不過唔好派奶派雪糕，又做出啲挑逗人嘅動作。」
此外，無綫總經理陳志雲要封殺o靚模上節目，周美欣說：「呢啲都係公司嘅選擇，希望o靚模大大吓會識諗啦。」陳爽則自言不怕穿得太性感公司會不喜歡，因為她認為香港普遍女仔都會着小背心。
