鍾蕙芝Lavina否認情挑闊少

o靚模Lavina（鍾蕙芝）最近被指密會「衣架大王」太子爺劉德俊（William），但男方及其大肚女友齊聲否認。被指釣金龜婿的Lavina昨日說：「我同Monique喺一星期前幫本周刊影封面，William借咗架車出嚟，佢有問我哋攞電話，之後有約過我幾次。」

對於William暗示Lavina放料給傳媒，她說：「我日日俾記者跟住，邊個同我一齊都有機會影到。」有fans踢爆日前Lavina出席首映禮時，中途被一名駕林寶堅尼男子接走。對於William稱約會Lavina本為傾公事，只因其經理人甩底才剩下他們獨處，Lavina經理人昨在電話中說：「我同William冇工作上交往，都唔明點解佢咁講，我諗佢哋係私下約會。」
此外，Lavina前晚私訪書展，其間看中一本《如何擺出好post美少女外拍動作圖解×100》，她說：「我做model經驗較少，所以想學多啲post。」該書原價117元，但店員認出Lavina便免費送給她。曾揚言要買鄧麗欣大作的Lavina又臨時縮沙，問她是否因錯字百出不敢買，她避而不答。