自靚界女神Angelababy和Janice Man彈起後，城中即捲起一股靚模熱；日日拋波出活動，更殺入書展谷胸瞓身出寫真集，令網友群起反擊。一班靚模為求自保，紛紛與「靚模」二字劃清界線，務求「有得留低」！
A.Lin（左）與DaDa在活動上獲粉絲支持。
靚模二字熱爆今個夏天，一眾十多歲少女日日穿着比堅尼拋胸作勢，惜過分賣弄惹人反感，以致負面新聞不絕。新鮮熱辣就是中四還未畢業的Rainbow（胡心諾）被踢出校，而Monique（周凱盈）就退學，形象盡毀，難怪靚模元老級Angelababy早前率先脫離行列，自稱是「潮」模抬高身價，其他靚模有見及此紛紛效法。
昨日羅凱珊（Kama）、A.Lin及「翻版阿嬌」DaDa一同出席「Xbox360今個暑假大曬」遊戲巡禮揭幕活動，Kama刻意與兩女保持距離，更不時表現不耐煩。問到網友杯葛靚模參加書展，會否擔心屆時有人搗亂？她說：「我唔驚，我諗佢哋入唔到嚟，（買飛就入得喇？）我希望自己唔會咁不幸囉！」對於一直強調自己不是行性感路線，卻在寫真集中半裸演出，她死撐說：「唔係少布就性感，性感係一種感覺，少布亦唔一定行性感路線，不過我之後都唔會再接比堅尼騷，（想脫離靚模？）好嘢留番喺寫真集。」
