曾與趙世曾傳緋聞、現年24歲的2008世界小姐中國站亞軍蔣欣妍，將於書展推出寫真集《DeepV》，以高貴性感寫真力撼一眾o靚模。身為專業模特兒的蔣欣妍對於o靚模拋胸氾濫看不過眼，她覺得o靚模沒有受過專業訓練，又不夠高，與日本水着女差不多。
近日o靚模充斥市面，就連普羅市民都要於網上發起反o靚模大行動。身為專業模特兒的2008世界小姐中國站亞軍蔣欣妍，眼見o靚模湧現，她不想模特兒界被歪風影響，更希望為專業模特兒平反。
蔣欣妍穿上喱士內衣拍寫真，她覺得o靚模熱潮遲早玩完。
曾與趙世曾傳緋聞的蔣欣妍，擁有34D、24、35驕人身材，她說：「喺內地做model一定要上兩至三年訓練課程，家啲o靚模根本冇專業model嘅身高，加上拋胸氾濫，絕冇美感可言。好多o靚模都係影輯相放上網，之後就話係model，我自己最想做到高貴嘅性感，絕對唔係刻意賣弄性感。」
所謂物極必反，蔣欣妍認為o靚模熱潮終有停止的一天，她說：「家o靚模湧現好似去到一個失控嘅情況，其實大家睇得多都會有厭嘅一日，而且佢哋根本稱唔上係model，其實同日本嘅水着女好似。」
蔣欣妍對於有人發起反對o靚模入書展一事，她覺得有不同的聲音是好事，更不擔心寫真集的銷量不及o靚模，因為大家的市場完全不同，而且她是走高貴性感路線。在《Deep V》寫真集內，蔣欣妍可謂十分賣力，穿上bratop之餘，又以性感內衣上陣，當中一套喱士內衣更疑似透點。
