鍾蕙芝Lavina放飛機遭炮轟

擁34E驕人上圍的人氣o靚模鍾蕙芝（Lavina），原定昨早11時半與蕭定一和袁彌明為有線財經台《周日不講理》做直播嘉賓，並以o靚模做話題，Lavina卻失場。
蕭定一昨日在電話中發火說：「Lavina全程放飛機，我好唔接受呢種工作態度，我對佢係永不錄用。」袁彌明昨日也在電話回應說：「我哋一直等佢，直至節目開騷前3分鐘，工作人員先搬走佢張凳。」

Lavina昨日透過電話向記者解釋說：「我都唔想，咁啱我一早起身屙唔停，醫生話我腸胃炎，我因為一直聯絡唔到有線，自己經理人（Admond）又冇覆機，先搞到呢個誤會，最後我搵人打咗去有線致歉。」Admond昨日說：「我手機壞咗，所以先有今次誤會，我打咗去有線解釋。」有線財經台公關岑小姐昨日指在開騷前已接到Lavina缺席的通知。