唐詩詠和徐淑敏這對緋聞情敵昨日又再一次碰頭，兩人在尖沙嘴出席「經典珍藏旅行箱展覽」活動，並一同接受訪問，站在徐淑敏身邊的唐詩詠罕有地大談男友崔建邦，自爆對方有邀請她擔任《My NameIs邦》節目嘉賓，唐詩詠說：「佢有請我，但度唔到期，我叫佢諗清楚係咪得先，我可以講佢同我嘅緋聞㗎，家公司幫我度緊期，應該係最後嗰幾集嘉賓。」徐淑敏則再強調與唐詩詠見面不會尷尬。
唐詩詠自爆崔建邦（小圖）邀請她擔任其節目的嘉賓。
最近o靚模氾濫，二人均指各有市場不擔心工作被搶，唐詩詠更對o靚模的寫真大感興趣，她說：「睇吓身材係咪真係咁靚，我都有諗過拍寫真，不過唔係着泳衣嗰種，而係想大肚時影嚟留念，我見到姚嘉妮影大肚相都好靚，我可以再大膽啲。」
