smilies40:
發表過「男朋友可以冇，但工人一定要有。」及「坐巴士會翻車」等「公主」偉論嘅諸葛梓岐，最近似乎靜咗啲，不過七．一公眾假期，FBI 又喺跑馬地奕蔭街撞到佢同Neway 二太子男友薛嘉麟齊齊去做腳底按摩。按完後，諸葛梓岐就孖住男友去幾間鋪之隔嘅中醫館睇中醫。
呢間中醫館出名睇跌打，兩人入咗去醫師房，逗留咗15 分鐘就離開。公主一行出房門就發現FBI 喇，公主衝出醫館門口再跳上男友架新款Audi S5 跑車。薛公子見女友匿埋喺車度，都要畀錢執埋藥至走得㗎，盛惠150 蚊先啦。
上週六（4 日）FBI 趁公主出席商場活動，就乘機上前問候吓佢健康，點知諸葛就話FBI 一場誤會，病嗰個其實係佢個二少男友：「係男友睇中醫啫，佢呢排好攰、冇乜精神，咁佢睇醫生梗係自己畀錢啦。」公主唔病發，仲好服侍男友睇中醫，真抵錫。
保重呀，老細！設計對白
服侍周到
薛公子拎咗張藥單後，就自動自覺執藥兼埋單，諸葛公主全程跟得女友，真唔話得！
[
本帖最後由 mercurywong 於 2009-7-9 21:21 編輯 ]
