一班平日愛拋胸出位的o靚模，前晚出席一套兒童動畫的首映，即時收起性感打扮，34E鍾蕙芝（Lavina）更大吐苦水，自爆被網民在其網誌內留下誹謗留言，更連其母親也無辜被扯下水，同場的胡心諾（Rainbow）亦自爆曾被網民指她做雞，令她大感難受。
近排o靚模界是非不絕，除了要迎接同輩o靚模的狙擊外，也慘受同門的歧視，就連一直深受電車男喜愛的o靚模最近也被網民群起圍剿，有網民更在facebook內發起反o靚模群組，令一眾年紀輕輕的o靚模雪上加霜。
左起：卓榣、Monique、Rainbow、Lavina、Yuna和Hebe前晚一起出席首映，搶盡風頭。
前晚暑期動畫《Keroro軍曹大電影4：翻兜侏羅紀》在灣仔會展舉行首映禮，為該片配音的HotCha以嘉賓身份撐場，但三人的風頭卻慘被6位o靚模鍾蕙芝、胡心諾、「翻版阿Sa」周凱盈（Monique）、Yuna、Hebe和卓榣搶盡，不過6位踩場o靚模在以小朋友為主的首映禮上，為免招人話柄，她們前晚一反常態以密實裝束示人。
擁有34E巨乳的Lavina前晚甫到場即表現得怒氣冲冲，大吐苦水，大談其個人網誌被網友留下不少具誹謗性的留言，她語帶委屈地說：「唔止係鬧我，仲鬧埋新一代嘅o靚模同整個o靚模界，搞到我個blog好似戰場咁，自己都有睇到喊。其實我哋做o靚模唔係咁簡單，唔係大家睇到咁容易，好似今日呢個首映都分毫不收，啲內容成日話我哋經常性感，話我哋性感唔緊要，仲要話埋我屋企人又話埋我媽咪，話我冇家教，睇到都好hurt。」Lavina強調網上有言論自由，但希望大家尊重她，並透露會追究那些誹謗留言者，對方也已寄信向她道歉，她現正考慮是否公開那些信件。
Rainbow被侮辱至於Rainbow亦自爆曾在網上看到有留言指她做雞，她說：「我冇喊，只係覺得點解咁講，我都係做自己工作，冇影響人哋，喺街上都會見到啲女仔大熱天時着背心，唔通要着樽領咩！」
