今年憑《囍帖街》威盡樂壇的謝安琪（Kay），近日再獲邵氏垂青，於邵氏投資、葉念琛執導的愛情片《戀愛達人》首次擔正做女主角，並奉旨跟無綫當家小生林峯在新片中談情說愛。
由邵逸夫創立的邵氏電影王國，今年除重整旗鼓開拍《LaughingGor之變節》及《七十三家租客》外，還邀得《獨家試愛》導演葉念琛合作，稍後開拍一部年輕人愛情新片《戀愛達人》。據悉新片將由林峯擔任男主角，雖然他在01年與李彩華合作拍攝的處男電影《別戀》票房仆直，但今次女主角換上新樂壇天后謝安琪，兩人談情說愛，絕對是噱頭十足。
8年沒拍電影的林峯，將與謝安琪在新片中飾演情侶。
謝安琪在處女電影《保持愛你》中曾與梁祖堯合作。
專攻年輕人記者昨日致電無綫製作資源部總監樂易玲求證時，她說：「嚟緊邵氏係會開部年輕人愛情片，暫名叫《戀愛達人》，由林峯同謝安琪主演，黃柏高監製、葉念琛執導。」記者再致電葉念琛時，他說：「係講一個好擅長談情說愛嘅戀愛高手嘅戀愛故事，今次我負責編導同導演工作，個古仔仲寫緊，所以唔方便講咁多。上次我同Kay喺《保持愛你》合作得好好，今次合作都好期待，而林峯喺電視方面嘅發展好好，相信今次佢同Kay第一次銀幕上嘅合作會有火花。」
