o靚模近日胸群而出，殺到本地名模和三、四線女星措手不及。莊思敏所屬的公司也出產大量o靚模，但她就鬧爆賣肉o靚模「睇到漏，消化不良」，同場陳自瑤就積極性感，更公開放風願着比堅尼。
陳自瑤（YoYo）和莊思敏前晚在銅鑼灣出席雜誌活動，平時愛露肉搶鏡的莊思敏，少有密實出現，她說：「夏天唔一定要性感嘅，家性感都冇意思，啲o靚模咁性感，睇到漏，消化不良呀。」她覺得模界已經變質，她說：「搵工都要入職要求啦，家都唔使喇，不過都係暫時嘅，每年夏天都有，冬天就冇㗎喇，啲大品牌都識得揀。」
莊思敏狂插o靚模期間，她的師妹（左起）Anjaylia、Isabel、A Lin和DaDa昨日已殺入電視城試鏡。
「係時候轉型」莊思敏越講越肉緊，問她可是工作少了？她說：「我嘅影響唔大喎，係聽啲行家講受到威脅，我自己家都做吓主持、出吓化妝書咁，都係時候轉型，但唔關啲o靚模事，係因為簽咗新公司。」不過，莊思敏鬧爆o靚模賣肉，其實她所屬的公司正是o靚模生產基地，周秀娜、「新邦民女」陳嘉寶及DaDa等，全部都是她師妹。不知莊思敏是吃不到的葡萄，還是為谷公司新人，不惜幫手做新聞。
陳自瑤賣性感同場陳自瑤就展示另一種求生之法，她性感谷胸及大露背，她說：「我尊重大會，係我自己揀嘅衫。」她否認是o靚模風頭太勁出招，問她可是最底性感尺度，她即說：「唔係，如果有活動或者宣傳，我着比堅尼都OK。」她更謂全裸露背都沒有問題。至於有傳她和蔡淇俊分手及上王浩信屋企，她則解釋前者無一齊過，而後者只是朋友。
