何超儀昨日和尹子維在W酒店出席製作公司宣傳時，回應有關其丈夫陳子聰被指有外遇而遭趕出家門一事，她否認說：「其實我冇趕佢出去，影到佢執埋大包細包出門口，嗰啲係送畀朋友嘅玩具，之後佢就去咗紐約探朋友，因為我唔得閒所以冇陪埋佢去，佢家返咗香港，都喺屋企住。」
相信宋娟無辜
有指整件婚變事件乃電影宣傳，陳子聰的「第三者」是有份拍《維多利亞壹號》的女模宋娟，超儀說：「我相信佢係清白嘅。」問超儀所指清白者是陳子聰抑或宋娟？她認真地說：「老公？我就唔知喇，但宋娟係清白嘅，因為日日同宋娟同場拍戲，清楚佢嘅性格，係個專業演員。」談到陳子聰被偷拍到的手機曖昧短訊，超儀說：「我有問過佢，佢話唔知，信佢糊塗到邊個搵佢都唔知，你知佢幾靚仔啦。」她強調夫妻感情沒變，結婚四年不擔心提早出現七年之癢，也不能擔心太多，總之做好自己，老公繼續肥，自己要努力keep瘦。採訪、攝影：魯萍
如果您喜歡這篇文章，請按「讚」或分享給您的朋友，以示鼓勵。
