何超儀陳子聰拍拖試食

1^# 大中小 young 發表於 2013-10-3 12:14 發短消息

前日國慶下晝兩點左右，何超儀同老公陳子聰拍住拖，戴住情侶帽去中環ifc嘅city'super買嘢，因為公眾假期，所以超市好多人。超儀同子聰喺凍櫃研究咗好耐，子聰仲好細心咁餵超儀試食火腿，認真sweet！行咗半個鐘，佢哋先去排隊畀錢，不過條人龍勁長，佢哋等咗十分鐘先畀到錢，其間超儀兩公婆發現記者，依然冇影響心情。後來佢哋行過麵包店，揀完又再排咗五分鐘隊畀錢，最後攞車走人。
from:http://hk.apple.nextmedia ... 131003/18447382

廷伸閱讀/相關主題推介:

相關主題:何超儀試食

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2013-10-14 16:34 發短消息

何超盈陪四太祭祖

賭王四太梁安琪噚日重陽節帶同大女何超盈，去位於摩星嶺嘅何東家族墓園祭祖，何佐芝亦帶同家人前來。着LV連身裙嘅四太與超盈去到多個祖先山墳誠心上香，之後登車離開。記者噚日致電四太，佢話：「剛做完保良局活動，咪帶埋超盈嚟拜山，其他仔女唔喺香港。」超盈噚日喺Instagram上載賭王同四太年輕時嘅黑白相，四太話：「梗係唔鍾意，我啲相咁娘，佢哋乜都擺上去，我唔識呢啲嘢，同個女有代溝。」
from:http://hk.apple.nextmedia ... 131014/18462429

TOP

3^# 大中小 young 發表於 2013-11-14 22:47 發短消息

超儀銀座企街

何超儀喺《3D豪情》裏面演企街嘅妓女。

何超儀、杜汶澤同曾國祥上個月遠赴日本同一班有名嘅AV女優合作拍攝電影《3D豪情》，戲中超儀演一位喺日本嘅過氣妓女，經常要企街拉客，其中一場戲講佢着到花枝招展咁喺銀座街頭等阿澤，點知對方遲到，佢煙癮大發，索性喺街食煙，點知呢條街原來係禁煙，附近小商店有個阿婆見到，即刻走出嚟狂鬧佢冇規矩，搞到導演陳慶嘉要暫停拍攝，等阿婆鬧完先可以繼續拍。

超儀喺街頭同工作人員研究劇情。

獻出第一次

噚日超儀同馮仁昭講，俾阿婆追住鬧嗰時都唔知發生乜事，因為唔知佢講乜，後來繙譯講番，先知係話佢唔應該喺禁煙街食煙，超儀笑話：「俾阿婆當街鬧都幾面懵，但為咗拍戲冇計。其實拍呢部戲，試咗好多個第一次，第一次為拍戲增肥、第一次食咁多煙、第一次化咁濃妝、第一次演咁大癲大肺角色，要演好多內心戲。有場戲俾人當街爆樽，好多途人唔知拍戲，仲以為我真係俾人打。」
from:http://hk.apple.nextmedia ... 131114/18506738

TOP

4^# 大中小 young 發表於 2014-7-10 13:32 發短消息

超儀爆內地有槍客

超儀指出外都會聘保鑣，尤其內地工作一定要。

【巴黎直擊】何超儀、榮文蔚、電影《十二生肖》女星姚星彤等，於香港時間昨日傍晚6時半在巴黎欣賞黎巴嫩設計師Elie Saab的秋冬高級訂做服時裝騷，超儀全程有一名外籍保鑣傍實，問她為何要有保鑣？她說：「好耐啦，出外要有人保護，返內地拍劇時都有。」

問到其姊超瓊為何不用保鑣？超儀說：「可能係隱形啫，尤其喺內地一定要有，內地有好多影迷要求影相，好熱情，好似梁漢文咁，之前佢去酒吧走騷，有江湖大佬揸住槍，佢即刻匿埋，啲人仲話佢『仲唱？仲唔走！』」
from:http://hk.apple.nextmedia ... 140710/18794297

TOP