1 號曾曦寧多次強調不怕負面新聞影響形象。
應屆十位《2009 香港小姐競選》候選佳麗，質素平庸，標榜學歷及內在美，豈料剛埋牙之際「油浸梁安琪」1 號曾曦寧多番被大肆批評品格，又指已和機師男友結婚，負面是非源源不絕，洩露人緣差極的玄機。曾曦寧昨日無懼同事打壓，一概否認爆料內容，揚言：「唔驚，冇做錯任何嘢。」
十位應屆《2009 香港小姐競選》候選佳麗，昨日返回將軍澳電視廣播城試身，眾佳麗素顏上陣，更顯平凡，十位參賽者正式亮相不足一星期，報稱任職艙務長的「油浸梁安琪」1 號曾曦寧，打從面試開始已不斷被聲稱同事的讀者爆料數落，內容針對其職業操守及個人品格，報料者又堅稱若曾曦寧再不承認內容會進一步爆料，似乎要令曾曦寧名譽掃地。
候選港姐中，1 號曾曦寧成是非之冠。
「上司清楚我表現」
對於日前有讀者指曾曦寧在07 年與港龍機師男友Kevin 結婚，公司同事相當支持她參選港姐，原因是不想她再返回公司繼續共事，言論似十分討厭曾曦寧，曾曦寧只直認有男友，她昨日說：「結婚可以查得出，當然冇，如果結咗都參加唔到今次選美，比賽條例寫得好清楚，同公司有共識，參選完會返去繼續工作。」
讀者聲言會將爆料升級，曾曦寧說：「我唔驚，冇做錯任何嘢。」曾曦寧不認人緣差，但言談間欲言又止，她說：「公司咁大，總有人鍾意或唔鍾意自己，只係少部份啫，相信上司好清楚我工作表現，我從冇收過公司投訴。」爆料提及其男友視她為公主，又作平常暱稱，曾曦寧均否認說：「冇，佢哋認為啫。」
4 號劉倩婷否認跟同性密友拍拖。
劉倩婷否認斷背
至於「風騷任葆琳」4 號劉倩婷也被讀者爆家中私隱，指她與細佬不同姓及有斷背情，與另一半同住禮頓山，劉倩婷昨日說：「我姓劉，細佬係養父同媽咪生，姓蔡。我同養父相處超過10 年，養父今年1 月尾癌病過身，我之前喺英國投資銀行做咗兩年，今年1 月中返香港，照顧家人。」
至於其斷背情，劉倩婷否認說：「禮頓山係我契爺、契媽住，亦有朋友喺嗰度住，咁講好影響感情，我鍾意男仔，之前都有拍過拖，絕對唔真實。」
