何超儀聲稱擔心陳子聰（小圖）媾女，但自信御夫有術。
何超儀第一部自資電影《維多利亞壹號》進行得如火如荼，她和老公陳子聰卻先後被發現在鬧市吵大鑊，昨日又有報道指二人婚變，大爆陳子聰狂媾《維》片33C 女角宋娟，更遭超儀趕出家門，婚變情節幕幕戲劇性十足，有傳二人為電影宣傳而自製婚變消息。
自揭御夫三寶
超儀前晚在中環出席萬寶龍時，問她會否擔心陳子聰媾女？她說：「有擔心，不過我有御夫三寶，就係屋企有教路，阿媽有教路同家姐有教路，同埋阿徐（徐濠縈）都有教路，廣佈天文台㗎喇。」超儀昨日又接受商台電話訪問，對於早前被拍到與老公陳子聰在糖水舖鬧交，還將糖水潑落地，她說：「我哋鬧交都係為部戲，我係老闆，佢係CEO ，一時之氣，絕對唔會影響感情，潑嘢係我動作大，冇心嘅。」對於她簽給陳冠希的經理人公司，超儀說：「佢公司只係管理我藝人嘅工作，同我嘅電影公司分得好開。」
採訪：Rita Leung 攝影：Chen Wai On
