狄易達為新歌擔任排舞師，為公司慳一筆。
狄易達為新歌《霹靂干戈》親自擔任排舞師，並加入多種跳舞元素，達仔說：「我嘅強項係跳霹靂舞，干戈其實係古時嘅兵器，隻歌係代表霹靂舞就係我嘅原始武器，但我都想加其他舞步，例如Hip Hop 同現代舞，想大家都睇吓我唔同嘅一面。」
自言最強是霹靂舞的狄易達常到社區中心教導青少年舞蹈，更邀請他們擔任舞蹈員。
學生當舞蹈員
達仔除了幫公司慳錢，自己做埋排舞老師，就連出騷的舞蹈員，也找來自己的學員擔任，不過這並非完全為慳錢，只是讓學生有出騷的機會，達仔謂：「有啲學生表現得好都會有錢收，佢哋都好樂意做，當係吸取經驗。」達仔與幾位朋友組成一個狄易達軍團，到各個社區中心教跳舞，學生們除學到跳舞外，也希望他們能當上義工，達仔滿腔熱誠：「我都想歌迷能加入我個軍團，一齊做更有義意嘅事。」
