狄易達與着性感低胸衫的新歡日前於牛頭角撐枱腳，狀甚甜蜜。讀者提供圖片
【爆相爆片】狄易達去年跟台灣索模吳亞馨的姊弟戀玩完後，短短一年已經有新歡，日前狄易達與新歡到牛頭角嘆平民壽司撐枱腳，被讀者王小姐透過「爆相爆片」分享，王小姐在電話說：「兩個人好明顯唔係朋友咁簡單，言談間都有身體接觸，講到興起嘅時候，個女仔仲爆粗講『X樣』㖭，不過狄易達一啲都唔介意，兩個人仲傾得好開心，食得好甜蜜！」
朋友介紹
讀者指現場所見，狄易達新歡的樣子有點似成熟版的「邦民女」陳嘉寶，着性感低胸衫的她身材不錯，達仔的舊愛吳亞馨和劉沛蘅都是樣靚身材正，達仔認真有艷福。對於新歡被曝光，記者致電問達仔是否識到新女友？他猶豫了一陣，終於坦白答：「哈哈哈，好難答呀，都係嘅，唔知點講，因為呢排忙緊今個月個騷，變咗唔係太想公開講啫。」
達仔坦言兩人剛開始發展，由朋友介紹認識，因為女友不是圈中人，詳情不方便多說：「好正常囉，出嚟食飯。」記者讚女友身材好，達仔笑說：「咁都見到，哈哈！」對於讀者指女友傾到興起爆粗，達仔挺身護花：「吓，爆粗！佢有咩？應該唔係，我唔記得佢有。」記者指女友夠真性情，達仔十分認同：「真性情！其實我都唔介意，因為自己都唔係唔講粗口嘅人。」
相處開心
跟經理人公司約滿的達仔，將於月底在中環搞騷，早前又跟朋友合作搞裝修配對平台，他表示最近比較忙，少時間陪女友，但兩人相處開心，講到裝修平台的生意，他高興說：「都好順利，本來預9個月收支平衡，𠵱家半年見到成績，好大挑戰，想做呢個行業嘅龍頭。」
採訪：皓騫
狄易達舊愛吳亞馨身材也是索爆。台灣《蘋果日報》
吳亞馨與狄易達去年分手。資料圖片
狄易達表示最近少時間陪女友，但兩人相處開心。資料圖片
From:
http://hk.apple.nextmedia ... 170814/20120447
