劉心悠的師弟Enson 做過模特兒，心悠甫見他即嗒晒糖大讚靚仔。
劉心悠最近與同屬星皓旗下的師弟張雁名（Enson ）合演電影《魚狗》，兩人飾演一對亡命鴛鴦，心悠更飾演未婚媽媽。日前兩人首次碰頭試造型，面對模特兒出身、182cm 高的張雁名，心悠不禁狂讚說：「張雁名好陽光，笑嘅時候特別吸引，好靚仔。真係要數缺點，係對我嚟講高咗啲！好彩戲裏面我唔係因懷孕瞓床就係坐住演，否則一定要着高踭鞋先可以襯到佢。」
張雁名被讚後不禁面紅紅，更識做地回贈高帽說：「心悠很會演戲，我最喜歡她的眼神，而且她的第一部電影作品《阿嫂》就獲香港金像獎提名，我希望和她合作也能分到一點好運。」
蘋果日報
