大S 徐熙媛扯開件衫去引誘古仔，佢話呢場戲都幾尷尬。
古仔見 徐熙媛瞓喺自己張床，搞到唔敢行埋去。
想引誘古仔嘅大S 徐熙媛，用兩腳夾住古仔，終於擦出愛火花。
古天樂同徐熙媛（大S ）合作演出完電影《保持通話》後，最近又合作演出王晶執導嘅《大內密探零零狗》，呢部戲會排喺暑假檔推出。今次古仔喺戲入面其實有好重周星馳嘅影子，佢飾演大內密探零零狗，為人呆頭呆腦，無心武學卻醉心研究科技做發明家，雖然經常俾其他密探取笑，但佢指腹為婚嘅未婚妻大S 就好欣賞佢。
古仔鼓勵放膽演
為咗盡快成為古仔老婆，大S 不惜主動出擊，仲玩床上色誘呢一招，只可惜古仔完全不為所動，只係尷尬咁企喺床邊，後來大S 露晒香肩，雙腳更大力夾緊古仔，令佢郁都郁唔到，最終難過美人關，搞到古仔成面唇印，場面既香艷又搞笑。
事後大S 話：「拍這場戲時，真的很緊張，因為這場戲我要主動引誘古仔，我不是那些懂得搔首弄姿去色誘男生的女生嘛，所以我只跟着王晶導演的指示去做，真的十分尷尬啊，幸好古仔叫我放膽去做。」
