一街走音歌手，十七歲「巨肺」新人G.E.M.（鄧紫棋），唱得贏晒，年初橫掃樂壇新人獎，人氣升，甚至踩過界拍電影。
沒有富貴家人揼水支持，鄧紫棋入行以來，一直欠公司錢，上個月開始轉虧為盈，有賺五萬，更得經理人出動千萬新艇，載她出海跟好友狄易達齊齊happy 。
鄧紫棋與同期出道的狄易達向來老友，二人在船上大玩啤牌及魔術，全程笑唔停。
玩得三粒鐘，未夠喉的鄧紫棋落船後跟狄易達依然雞啄唔斷，繼續講。
鄧紫棋與一班圈中朋友上週三出海，經理人張丹的遊艇還附有一艘快艇，鄧紫棋及李蘊主動要求船家載二人及狄易達出海兜圈，玩到幾乎全身濕晒。
上船後，是日的主角鄧紫棋有備而來，第一時間攞出啤牌玩魔術，之後再跟李蘊上甲板曬太陽。
「阿TAN （張丹）買咗隻遊艇，我一直做嘢冇上過船，難得有少少時間，我即刻約齊人出海玩，但之後個個都有嘢做，唔夠時間，所以唔可以落水，不過我點都要試吓玩快艇，兜幾個圈都好呀。」話口未完，
鄧紫棋的處女唱片由10 月推出至今已加印至第三版，銷量二萬五，她在上月舉行的「IFPI 香港唱片銷量大獎2008 」頒獎禮上，跟一班新人jam 歌。
出任古巨基演唱會嘉賓，原來是基仔緋聞女友Lorraine 親自打電話邀請，鄧紫棋亦一口答應。
在第三屆亞洲電影大獎頒獎典禮上，低胸裝出現的鄧紫棋波濤胸湧，以32D 身材亮相。
去年G.E.M.的處女大碟大賣二萬多張，在新人中取得最佳銷量，今個月中，她會跟隨經理人到紐約錄音，新碟落重本。
「由入行起計，鄧紫棋本來欠公司超過六位數，但呢幾個月佢多咗好多job ，又拍戲又唱騷，還晒公司條數之外，上個月已經唔見紅，今個月仲有五萬蚊收入，不過鄧紫棋平日都唔係點用錢，佢將所有收入俾晒媽咪，每星期只係得六百蚊零用錢。今次去美國錄音，佢話明唔會使自己錢，全程要公司包晒，好精打細算。」經理人張丹說。
後生又唱得，鄧紫棋頻頻接學校騷外，又出席時裝品牌活動，跟小朋友做模特兒，示範自己親手畫的金魚T 恤。
拍《愛出貓》時，有指對手陳偉霆暗溝鄧紫棋，不過戲拍完就冇下文。
因為唱得，出道不久，G.E.M.已獲譚詠麟邀請做演唱會嘉賓，早前又現身古巨基演唱會，還踩過界拍電影，此外，G.E.M.的出騷價亦加至兩萬一場，平均一星期出兩個騷，密執之下收入穩定。
