吳亭欣驚顧麗華自殺嘅事越描越黑，惟有潛水避鋒頭。 資料圖片
吳亭欣（LuLu ）被指捲入富商馮潮澤同顧麗華嘅婚姻，令到顧麗華大受刺激，半年內兩度自殺，上星期六顧麗華喺寓所吊頸自殺身亡。吳亭欣獲悉佢嘅死訊，心情都唔好受，為免越描越黑，吳亭欣決定潛水避傳媒。
吳佩孚噚日澄清係自己主動SMS （小圖）搵吳亭欣，總算還LuLu 清白。
當吳亭欣封嘴避談事件，堪輿師吳佩孚就同傳媒爆料話吳亭欣曾打電話求助，相信係怕自殺怨氣較深，好希望尋求解困方法。馮仁昭八到件事其實係啱啱相反，據知吳佩孚大前日睇到新聞，主動SMS 搵吳亭欣，話可以為佢畫符咒趨吉避凶，仲向吳亭欣講話有乜嘢可以搵佢幫手。點知吳佩孚日前向傳媒爆料，成件事睇嚟有人想借死人嚟宣傳。
吳佩孚噚日知道吳亭欣好不滿時立即道歉，還吳亭欣清白：「其實係我主動SMS 佢，諗住有乜嘢幫到佢，咁啱記者問我呢啲嘢，係我失言，好心做壞事，唔應該多嘴拎人哋啲嘢出嚟講嘅。」
