吳亭欣（LuLu ）因為同富商馮潮澤傳緋聞，對方嘅太太，即係前影星顧美華細妹顧麗華忽然自殺身亡。水洗唔清，LuLu 被亞視勒令雪藏，唯有飛去美國避一避風頭。
急凍兩個月，上個禮拜四（七月二日）LuLu 終於復工，現身大埔總台，宣傳外購劇《麻辣鮮師》。
配合劇情需要，所有女藝人都以藍白色格仔校服裙亮相，仲分開兩組煮麻辣火鍋搞氣氛。
雖然佢哋一舉一動，並無抵毀到學生嘅形象，但因為身上著住太子伊利沙伯中學校服，八珍打電話去學校了解事件，副校長話亞視事前無通知會著佢哋校服做宣傳，學校睇到報紙先知，就有關事件，校方已經聯絡咗影視及娛樂事務管理處跟進。LuLu 復工即出事，睇嚟唔多吉利喎！
著住伊利沙伯中學校服宣傳嘅LuLu ，身上嘅校徽，同學校嘅網頁一模一樣，無得抵賴。
煮麻辣火鍋做宣傳，LuLu 嘅笑容算交足戲。
