瑜伽中心Yoga Yoga日前突然結業，不少結業前買了套票的會員蒙受損失，吳亭欣（LuLu）也是其中一個。LuLu昨日接受電話訪問時，表示08年底以萬多元入會，主要是參加肚皮舞課程，她說：「我自己本身跳開肚皮舞，於是咪join咗Yoga Yoga，點知個導師教教吓又走咗，我就轉玩瑜伽。」
LuLu謂上星期曾到位於銅鑼灣世貿中心的Yoga Yoga上堂，當時未有發現有任何異樣，她說：「我都係睇新聞先知執咗笠，我本身冇租到locker，但係舊年有職員游說我買套票，我又畀咗萬幾蚊買，家就蝕咗萬幾蚊，我都唔知點去追討，我以後再入會都唔會畀咁多預繳，真係好冇保障。」據知LuLu現時幫父親打理生意，間中會做商場騷，沒固定收入，故損失萬多元令她感到十分肉赤。
from:
http://hk.apple.nextmedia ... art_id=13890716
