5 呎10 吋的黃長發憑住半鹹淡廣東話和42 吋胸肌冧掂一眾評判，當選06 年瀟灑組及港男冠軍。最近被蕭若元睇中，斟拍經典三級片《3D 玉蒲團》。
24歲黃長發自戀上鞋王鄧劍群的39 歲三奶Karen （李姿霆），雖聲稱對Karen 感情絕對認真，仍難免被外間認定是使女人錢。近日鞋王出招，直指黃長發是「鴨仔」，更不惜公開身份入稟高等法院，追討他贈給Karen 的4 個物業和售樓得益。
面對鞋王步步進逼，冇job 冇收入的黃長發，最近終於有所行動，本刊收到消息，他即將全裸上陣，以近百萬酬勞，斟洽接拍由蕭若元投資的三級片《3D 玉蒲團》，除了為女友撲水打官司之外，更可反駁鞋王所說的「鴨仔」指控。黃長發為愛情犧牲，連屁股都要出「賣」。
自從2 月爆出鞋王三奶Karen （李姿霆）情傾黃長發後，儘管這「不倫戀」遭千夫所指，兩人依然恩愛，經常拖手行街任影唔嬲。《蘋果日報》圖片
就黃長發拍《3D 玉蒲團》一事，記者連日在Karen 寓所外守候，本周二（14 日）下午，她獨自外出，駕車到西貢清水灣泳灘睇書解悶，當Karen 發現記者在場，表現驚訝，被問到黃長發拍三級片，她表示不會反對。
記：知唔知道黃長發會拍三級片？
Karen ：我知，我聽佢講過……
記：你唔反對？要剝衫剝褲，仲可能打真軍喎！
Karen （遲疑數秒）：我知佢想做番啲嘢，原則上我唔反對嘅。
記：佢係咪想開法國餐廳，你又要同鞋王打官司，黃長發至急於搵錢？
Karen ：唔係發仔想開法國餐廳，係佢朋友開啫……唔好意思，我要走啦。
4 月14 日Karen 睇性書
三奶Karen ：佢想我哋折墮Karen 由寓所獨自外出，駕車到清水灣泳灘。對於男友將拍三級片，她表示知情，更說：「男人梗係要做嘢，佢鍾意嘅，我基本唔反對！」
上月初，Karen 被鞋王收回所贈的過百萬CLK 平治座駕。這天她則駕着紅色AlfaRomeo 跑車，聲稱是以新車價50 萬購入，但後來有報道指她是以28 萬在九龍灣二手車場買入的。
Karen 帶埋私家櫈到西貢沙灘，其間她對着手提電話，看似是照抄寫一些英文短訊，之後又睇「50 WAYS TO PLEASE YOUR LOVER WHILE YOU PLEASE YOURSELF 」英文書，足足獨坐近半小時。
Karen 抄寫在記事簿的一段文字，言詞相信是她寫給年幼女兒「BB 」，表示聽到BB 的甜蜜聲音，沒有對方的話，自己都唔想生存。
這本書內容不乏「性」，闡述如何以性去擴大自己與愛侶快樂的領域，及如何將愛昇華等愛情理論。
近日有指黃長發希望Karen 借故返回鞋王身邊刮番筆，但本刊得到一篇由Karen 發給鞋王的sms ，內容是Karen 表示知道自己傷害了他，但由於鞋王有老婆，所以表示這段關係一早係錯。
百萬酬勞
事後記者向蕭若元求證，他承認說：「我哋係同黃長發傾過幾次，以佢依家嘅知名度，收100 萬港元片酬完全唔係問題，況且佢靚仔，身形又好，肌肉紮實，啱晒我哋片中男主角嘅要求。不過佢一時話做，一時話唔做，心大心細咁，聽聞係有人反對佢拍，或者係女朋友唔想啦！」至於其子蕭定一則表示：「雖然已經傾得七七八八，但我哋唔敢旨意晒黃長發，當然部戲一日未正式開拍，發仔仍然係我哋嘅男主角首選。」
除了黃長發外，另一港男袁偉豪亦被考慮斟拍《3D 玉蒲團》，奈何袁仍有TVB 約在身。對於黃長發拍三級片，樂易玲表示，「佢同TVB 已經冇關係，拍咩片都同TVB 冇關。」
黃長發34C 牀上對手
若黃長發敲定接拍《3D 玉蒲團》，其對手將會是台灣女新人。
姓名：葉玲（Cindy ）
年齡：25 歲
身高：5 呎8 吋
體重：47kg
三圍：34C 25 35
賣點：瞓身演出，三點盡露，打真軍都肯。
目標：看過葉子楣的版本不下百次，聲言自己所拍的大膽程度只會過之而無不及。
蕭若元父子拍住上拍《3D 玉蒲團》兩仔爺都屬意黃長發作第一男主角。
91 年蕭若元監製《玉蒲團之偷情寶鑑》捧紅葉子楣，票房高達1,800 萬。
