黃長發轉職做經理人後，不時帶着一班靚女模特兒出現，他前晚又與一班旗下藝人及胞兄長興往看法國片首映，希望藉機認識法國導演，爭取工作機會。他指性愛短片對他已是過去式，不想再有負面新聞，長興則謂細佬以後要懂得照顧自己。
黃長發早前捲入性愛短片風波後，滿城風雨似慢慢落幕，他前晚以經理人身份，帶同胞兄黃長興及公司旗下幾位靚女模特兒及演員，到灣仔會展欣賞法國電影《子彈頭》首映，表示來看法國戲，很想結識導演。長興笑說：「以前我睇住細佬，家細佬帶住我。」他謂長發會先幫他接洽，然後透過其經理人無綫找他工作，長興續說：「我平時好少去呢啲活動，可以見識法國導演係好機會。」
長發談到對性愛短片事件是否已心情平復時說：「我不嬲都開心，家都冇乜嘢可以回應，希望新聞可以少啲，我唔再係娛樂圈人，我係經理人，唔希望再有負面新聞。」之前有傳有人想將性愛短片賣給他？長發說：「冇，我自己一早覺得過咗去，最重要係家人同哥哥嘅支持。」問長發其兄是否任何事都支持？長興搶答：「咁又唔係，會睇住啫，以前好多嘢會提醒佢，但細佬大個喇，做埋經理人，佢可以照顧自己。」
from:
http://hk.apple.nextmedia ... art_id=13857802
