陳雅倫着住條低到冇得再低嘅吊帶裙，引到一班麻甩佬喺佢心口附近係咁影呀影，陳雅倫呢兩萬蚊的確唔易賺。
自從俾人影到醉啜吳鎮宇後，43 歲陳雅倫自此長駐國內搵人仔，雖然媽咪姐之前聽到佢話要買樓買跑車留港消費，好似好風光咁，不過依家就好似冇晒下文，啱嘅，話晒經濟唔好，都係使少啲賺多個錢傍身好過啦。
見偶像派簽名相，台下餓狼即時蜂擁而上，43 歲陳雅倫喺麻甩佬心目中，似乎都仲有啲魅力。
台下觀眾送上毛公仔，陳雅倫亦即時烏身「賣大包」還禮。
陳雅倫唱唱吓，忽然有男觀眾扯佢落台，嚇到陳猛嗌「唔好！」最後要在場實Q 幫手先甩到身。
陳雅倫多年前同王敏德拍三級片《危情》，一脫成名，如今北上銀一樣要行性感，都咪話唔欷歔。
前幾日，媽咪姐就喺佛山一間夜店見到陳雅倫登台，雖然四張幾嘢，不過着起超低胸吊帶裙嘅佢，依然有睇頭，搞到台下班國產麻甩猛話「好」，其間仲有個熱血猛男情不自禁扯陳雅倫落台，嚇到陳猛嗌「唔好！」
媽咪姐收到風話陳雅倫今次登台價實收兩萬唱四隻歌，雖然比起佢十幾年前拍三級片《危情》嗰陣，絕對蚊髀同牛髀，不過呢個時勢，密食當三番，點都好過踎墩等運到呀
