謝婷婷首次孭飛的電影《絕色武器》正在大陸上映，監製王晶眼見雙方經理人約將屆滿，為了箍實有離心的謝婷婷，於是火力集中谷對方，令其他女角像陳雅倫被迫隱身，零宣傳成為犧牲品。
前輩唔好咁嬲啦！（設計對白）
冇機會出宣傳活動，陳雅倫唯有搵老友黃秋生撐場，搏多啲見報率。
王晶下令要全力催谷謝婷婷，其他女角都要彈開。
撐枴杖照做
「作為演員，自己負傷參演，期待已久的大片終於上映了，心情理應興奮，但為何會如此沉重？千百個問號在心中！Feeling really sad！」被當冇到，陳雅倫忍唔住在微博留言大吐苦水。
《絕》片於國內展開宣傳期間，王晶從沒要求陳雅倫出席任何宣傳活動，甚至連上映日期也不獲通知。
「都係啲fans講，雅倫先知部戲喺大陸就嚟上；佢仲特登打電話去電影公司話可以幫手宣傳，珠海、廣州邊度都可以去，點知都係石沉大海，香港幾時上亦唔知。」知情人士說。在片中飾演黑幫大姐大的陳雅倫，埋位開工前剛動完膝蓋手術，本該休息三個月。
「雅倫話王晶係佢恩師，大家合作超過廿年，佢開到口，即使撐住柺杖，忍住腳痛都要做。」知情人說。
陳雅倫負傷上陣，到頭來不但冇份宣傳，就算發布國際版的海報，連名都無。
該片的國際版海報，飾演大反派的陳雅倫，不但冇人頭相，連名字也完全消失。
因為腳傷關係，無法拍動作戲，唯一破例的是與貝安琪的一場打戲。
首次孭飛做女主角，近日與男友情侶檔宣傳新戲。
被後輩踢出宣傳行列的陳雅倫，忍不住在微博呻feeling sad。
細妹做女主角，霆鋒亦會幫手撐吓場。
陳雅倫和片中其他女角被當透明，唯獨貝安琪則被放生，有得出席宣傳活動。
「呢部戲係婷婷第一次做女主角，雖然佢拍戲唔多，但廣告商演活動密密做，係公司嘅金蛋，佢同晶哥嘅經理人約又快滿，所以全部宣傳都集中佢身上，想氹佢續約，加上婷婷又拉埋哥哥霆鋒落水幫手，後台夠硬，其他女角當然要讓路。」為了突出謝婷婷，王晶甚至刪減其他女角戲份，做大反派的陳雅倫也不能倖免。
對於被王晶擺歪，陳雅倫說：「今次我係有少少唔開心，因為演員應該受到尊重；同晶哥太熟，我哋識咗成廿幾年，一直合作無間，佢叫我拍戲，連合約都未有，我一樣仆到去開工。點都好，我都要好多謝佢，明知我隻腳受傷，打唔到，都照搵我拍戲。」
曾經性感
陳雅倫參加新秀歌唱比賽而進身娛圈，同屆有奪冠的杜德偉、蘇永康及玉女掌門周慧敏。之後歌影視三線發展，出過性感寫真，瓣數多多！
露點寫真
同今時今日的模比，當年陳雅倫出寫真搏得多，一擊即中玩露點，寫真集一出賣過五萬本。
在影圈打拼，同期有電眼美人李美鳳、性感女神邱淑貞及好戲張曼玉等強手，陳雅倫卻始終爭不上一線。
