鄧麗欣（Stephy ）前晚一身低胸裝出席仁濟醫院舉行的晚宴，談到早前跟傅穎（Theresa ）吃飯照片曝光，她表示二人偶有飯敍，但私底下不會談及Theresa 走音問題，Stephy 更稱自己也是過來人，只希望大家努力唱好歌。
前晚仁濟醫院於灣仔君悅舉行就職晚宴，黃柏高（Paco ）帶領旗下藝人一起出席，包括側田、楊愛瑾（Miki ）、鄧麗欣及方力申等，更在晚宴上擔任表演嘉賓，謝安琪及何傲兒等也有出席。
「俾人講梗唔開心」
Stephy 是夜與側田拖手入場，罕有以性感低胸裙示人的她表示因為怕仆倒才拖實男方，Stephy 又謂事前已黐好晒膠紙，做足防走光措施，她說：「我覺得性感OK ，但怕走光。」早前金牌的blog 上放了Stephy 與傅穎的合照，兩人似乎冰釋前嫌，Stephy 說：「平日都係咁，開完會之後去吃飯，只係你哋睇唔到，報道寫到越來越僵。」問Stephy 會否支持和提點近日頻頻走音的Theresa ？她說：「我都會支持佢，叫佢唔好咁緊張，relax 吓，我哋私底下冇提呢件事，怕提咗會唔開心。」不過提到Stephy 也曾有「鄧走音」之名，她尷尬地說：「唔好提呢啲邪嘢，每個人俾人咁講梗會唔開心，自己已經過咗唔開心嘅階段，總之大家努力唱歌。」
（左起）Stephy 、方力申和Miki 一起出席慈善活動。
傅穎前晚一身夏日打扮出席Bathing Ape 店香港三周年派對。
Miki 豐胸失證件
何傲兒穿上性感粉紅色晚裝，成功搶鏡。
此外，Miki 早前表示以木瓜豐胸，問她效果如何時，她就自爆因買木瓜而損失慘重，Miki 說：「上星期落街買木瓜，貪方便冇拎銀包只帶咗信用卡、身份證同提款卡，放喺袋中，買完木瓜之後就唔見晒啲證件，家仲未有時間補領，信用卡冇損失，仲未報警，家日日帶住passport 出街。」採訪：梁錦雯攝影：陳志嵐
Stephy 以性感低胸示人，自言最怕走光的她事前已黐膠紙做足防禦措施。
http://appledaily.atnext. ... art_id=12604288
