由《蘋果》娛樂版舉辦、以「向爛片say no 」為依歸嘅第四屆金話梅電影選舉（Golden Plum ），經半個月嚟嘅投票，截至噚日已經有逾千人參與，為挽救香港電影業作出咗最大嘅貢獻。
江若琳喺《嚇死你》嘅驚嚇樣得一個表情，都係扮番乖乖女好啲。
孟瑤（右）喺最爛影后票數暫時落後，可能因為佢獲雙提名而分薄票源。《有隻僵屍暗戀你》劇照
張家輝榮辱一身
照暫時形勢嚟睇，最爛女主角爭持最緊湊，由於上屆影后孟瑤憑《有隻僵屍暗戀你》同《我老婆係賭聖》獲雙提名，分薄票源，結果分別得224票同208票屈居喺有255票《嚇死你》嘅江若琳之後。最爛男主角方面，影壇初哥黃宗澤憑《大四喜》嘅爛演技以363票遙遙領先198票嘅《我的最愛》方力申；至於《我老婆係賭聖》嘅張家輝能否成為史上首位同時榮獲金像獎影帝同金話梅影帝嘅演員，似乎要睇埋後勁嘞！最爛導演、電影暫時由341票嘅錢江漢《有隻僵屍暗戀你》領先。未投票嘅讀者可以喺呢個網址http://jp.atnext.com/goldenplum 選出心水爛片。投票日期：即日起至4月16日中午12時揭曉日期：4月18日於《蘋果》娛樂版及網頁
黃宗澤（右）犧牲色相演《大四喜》，可惜都係一個字——爛。
http://appledaily.atnext. ... art_id=12592166
