陳法拉、諸葛梓岐、莊思敏及應采兒等昨日應邀到灣仔會展出席「亞太區皮革展─施華洛世奇元素」宣傳活動，陳法拉以誇張方形頭飾襯托銀灰色露背裙性感亮相，她的緋聞男友薛世恒及諸葛梓岐男友薛嘉麟同為Neway 太子爺，二人昨日首次同場工作即大方合照，又互讚靚女。
采兒爆小春愛平胸
諸葛梓岐（左）與陳法拉首度同場工作，為皮革展擔任嘉賓。
二人被問到會否經常在男友家庭聚會時見面，諸葛梓岐說：「冇呀，好少。」法拉則低調說：「係互相認識嘅朋友囉，一向都唔想將感情事做注意力。」問到二人有否想過成為親戚？二人異口同聲說：「冇諗過。」早前有報道指諸葛梓岐有機會嫁入薛家做少奶奶，法拉聽罷笑說：「吓？我都唔知自己有冇機會喎。」應采兒昨日輕微谷胸上陣，比起法拉性感大露背頓然失色，她透露男友陳小春不認為低胸代表性感，更取笑小春說：「佢鍾意啲嘢好奇怪，上下圍太大都唔鍾意，可能鍾意手手腳腳，我平時用push up bra 佢都唔覺得靚㗎。」採訪：卓寶花攝影：陳俊強
陳法拉以低胸裝亮相，其誇張頭飾卻更搶眼。
http://appledaily.atnext. ... art_id=12592133
