喺記招上，衛蘭不時眼泛淚光，更要緊閉雙唇制止自己哭泣。
衛詩喺日本藏毒事件，至今仍然未被釋放，佢家姐衛蘭，為救細妹好，為自己保飯碗好，喺香港頻頻出招。周二（24 日）更舉行記招，宣布將衛詩一首新歌填上新歌詞，改做禁毒宣傳歌。不過，由衛蘭去宣傳反吸毒，成效有幾高真係好難估計。事實上衛蘭的確自身難保。事關佢為《必瘦站》拍嘅大型宣傳照，已經全部抽起，改用廖碧兒拍嘅新相。
「必瘦站」否認事件同衛詩事件有關，但喺呢個敏感時刻換人，就好難令人冇聯想囉。
衛蘭為「必瘦站」拍嘅廣告，一直以嚟喺地鐵站當眼位置擺放。不過近日已全部換上廖碧兒拍嘅新相（右圖）。
