黃伊汶（Emme ）昨日與Jocelyn 一起出席黃埔新天地星級小廚神記招，兩人即場分別示範煎腸仔蛋和洋
豬扒，有板有眼。雖然Emme 用的煎鑊形狀奇怪兼超迷你，煮起來有點狼狽，不過最後也難不倒她。
原來兩人平日也會在家下廚，Emme 說：「我平時都有煮吓嘢，學番啲嘢嘛！大約一個月煮一次，都係屋企人負責試菜，通常個賣相唔得但係味道唔錯
。（煮咩最叻？）我煮海鮮最叻，好似辣酒煮花螺同炒辣蟹。」
學習珠寶鑑證
Emme 透露最近正在學習珠寶鑑證，她說：「啲朋友知道後，都叫我幫佢哋搵同埋買珠寶。（想轉行？）唔係，進修吓，女仔都鍾意靚嘢
嘛。（係咪想學鄺美雲咁？）佢咁叻，有排都未似，我邊學邊做咋。（會唔會揀定粒靚鑽石畀未來老公用嚟向你求婚？）都會
！」
另外，Jocelyn 近日與老公積極籌備五月底舉行的慈善拍賣餐舞會，她說：「我哋想喺尼泊爾起學校畀當地嘅小朋友讀書，目標係籌得二萬美元，籌唔夠我會包底。好多朋友知道後都好支持，我都聯絡咗幾位模特兒好友捐啲衫出嚟拍賣。」
文：名人組
雖然黃伊汶廿歲才開始入廚學烹飪，但已煮得一手好菜式。
右起：黃伊汶、和記黃埔地產有限公司高級市場經理何麗明及Jocelyn 一同出席活動。
