劉浩龍與鄭融的緋聞傳了多年，二人一直矢口否認戀情，直至昨晚，劉浩龍接受吳君如主持的商台節目《嘩！嘩！嘩！打到嚟》訪問，終於承認與鄭融拍拖4年，更指與女藝人拍拖沒安全感。
劉浩龍昨日凌晨接受吳君如主持的商台節目《嘩！嘩！嘩！打到嚟》訪問，終於承認與鄭融拍拖4年的戀情，他說：「我拍過3次拖，13歲初戀拍咗7年到21歲，中間拍過3個月玩吓嘅，之後就同鄭融4年。」
「算係一種解脫」
劉浩龍（左二）昨日凌晨接受吳君如（右一）節目訪問，談及與鄭融的4年情。
吳君如問劉浩龍是否鄭融所屬的公司反對他們的戀情？他說：「我同佢俾人影過一次係拎住啲飯盒外賣，咁佢公司都話拍拖唔緊要，但係都要着好啲。之後我哋都好少周圍去，我又買車搬屋，好多次出入都去酒店，去啲high 啲嘅地方，咁耐以嚟都係睇過一次戲。」問到劉浩龍與鄭融如何撻着，他指當時與鄭融同屬一間唱片公司，很多時都同坐一架保母車，不過他表示與藝人拍拖比一般人辛苦，他又表示曾經想過公開戀情，他說：「對方要俾人有幻想空間，佢始終都係女artist ，我哋分開冇話邊個飛邊個，算係一種解脫啦。」不過外界一直有傳是他被鄭融飛的。
千嬅當時係阿嫂
鄭融與劉浩龍07年拍拖睇騷，之後在車內煲煙。
劉浩龍又大談鄭融的優點，就是最能與他分擔不快事，他說：「佢通常會喺我嘅角度樂觀去睇，但佢本身唔樂觀，我都畀佢高分。其實我拍拖時會畀到無形壓力對方，我份人太急啦。」他又指不想再與圈中人拍拖，因為沒有安全感。君如問他為何於華星年代時不追求楊千嬅，他說：「佢嗰時已經係我老友嘅女朋友，佢又係我師姐。」對於現時的感情狀況，劉浩龍指現時「無貨喺手」，但享受現階段的感覺。問他是否可與前女友做朋友？他說：「第一個女友可以，佢係好支持我嘅朋友。」似乎暗示與鄭融再見不是朋友。採訪：張俊銘
劉浩龍終於承認與鄭融的一段情，但他謂不想再與圈中人拍拖。 資料圖片
http://appledaily.atnext. ... art_id=12519232
