張敬軒發動藝人聯署救關楚耀

關楚耀（Kelvin ）與[衛詩（Jill ）因涉及吸毒案至今仍被扣留在日本，身為Kelvin 契哥的張敬軒表示，有意集合一班藝人寫一封聯署求情信，希望憑公眾影響力令好友脫離牢獄之苦。
張敬軒昨日出席Joyce 舉行的「Dream Bigger ，Live Harder ，Love Deeper 」藝術活動，問軒仔有否更新關Jill 情況？他說：「我有打過電話畀佢哋屋企人，但未搵到。其實我比較擔心Kelvin ，因為佢就嚟生日，年年生日都會同佢慶祝，但今年生日佢就要喺拘置所孤獨過，仲要諗住自己日後嘅路點過，諗起都心！」
「識咗壞朋友」
軒仔續說，Kelvin 品性很乖，問Kelvin 是否被帶壞？軒仔說：「係誤入歧途，可能我有一段時間成日『哦』佢，搞到佢唔搵我，識咗啲壞朋友。」軒仔又希望為好友寫求情信：「我想以私人名義組織公司嘅藝人寫一封求情信畀日本，只要律師草擬咗封信，加埋我哋簽名就可以傳過去，Kelvin 人緣好好，對前輩同朋友都好好；我知道日本法律好嚴，但都好有人情味，希望發動公眾影響力，對件事有利啲啦！」
至於已聯絡的藝人，軒仔說包括同公司的孫耀威、謝安琪、陳奕迅，以及好友王菀之、側田及關智斌等。問軒仔會否為Jill 多寫一封信？他支吾以對說：「兩間公司有唔同處理方法，我唔係咁方便叫佢公司咁做，但有必要都會考慮，只係希望可以幫到兩位小朋友。」
軒仔已計劃好兩個方案，第一是他執筆寫信，然後找他人簽名；第二就是集合個別有心朋友的求情信，然後將信件交給其家人。內容方面，軒仔說：「會寫Kelvin 做好多公益活動，喺音樂上嘅成績，攞過嘅獎項，呢件事只係佢誤入歧途，一時犯錯，佢已經好後悔，經過呢次教訓，相信佢會利用工作嚟傳遞禁毒訊息。」問軒仔會否叫[衛蘭寫信簽名？他即語塞說：「唔知，呢個問題唔識答。」
談到公司是否棒打鴛鴦？軒仔笑說：「唔係用棒就會打斷，感情要有啲經歷先會堅固，（贊成佢哋繼續一齊？）如果佢兩個真係有感情，相信呢件事之後會對對方更有信心，而且公司從來都唔干涉藝人私生活。」軒仔透露已為Kelvin 計劃很多後路：「如果佢仲想返娛圈，睇佢點同觀眾交代，點樣喺歌迷同小朋友面前挽回形象，加上我自己都有另一啲公司嘅嘢可以畀佢做。佢唔係一個發明星夢嘅人，自己都有做吓時裝同首飾生意，總之希望香港同日本警方可以對佢網開一面。」
環球高層支持
環球唱片公司行政副總裁黃劍濤則感激軒仔的好意：「我哋日內會進行發動，起碼旗下藝人會撰寫求情信，亦希望聯絡到圈中好友參與，得到佢哋嘅支持。喺呢件事上面，我哋會發揮團結精神，首要係關楚耀能夠安全返港，等佢返嚟先至面對同解釋件事，如果有進一步消息會即刻公布。」[衛詩所屬的Amusic 被問[衛蘭會否簽名支持？發言人沈小姐說：「公司暫未收到環球聯絡，如果收到會再作研究。（會唔會有類似支持行動？）暫時未諗到，會問律師意見係咪對件事有幫助。」
文：名人組
第一手消息請瀏覽on.cc《即時新聞》


[/url]
張敬軒（右）已聯絡謝安琪等準備為關楚耀寫求情信。        （資料圖片）

[url=http://orientaldaily.on.cc/photo/20090319/ent/0319enew01b2.jpg]

[url=http://orientaldaily.on.cc/photo/20090319/ent/0319enew01b3.jpg][/url]