楊秀惠拒絕中坑做男友

楊秀惠昨日出席無明珠台《香港最佳選舉》宣傳活動，對於有周刊指她除搭上《東張西望》有錢主持蘇晉霆外，又與富貴「中坑」睇戲，她對此表示：「兩個都係朋友。（點解會識蘇晉霆？）佢係朋友啲朋友，成日喺化妝間都見到佢。（佢係咪追你？）唔係。聽人講本周刊寫到我成日黐啲有錢人，我好唔鍾意，如果真係黐有錢人就唔使返工啦！」
楊秀惠又自爆早前被一名外籍男士追求：「佢送咗鑽石耳環同紅酒畀我，但都冇接受，雖然佢好有誠意，不過嫌佢年紀五十幾歲太大，我唔喜歡太大年紀，仲大過我老竇。」



楊秀惠討厭被指愛黐有錢人。