向來備受無
力捧的小生吳卓羲（Ron ），可算是樹大招風，自出道以來一直受負面新聞及緋聞困擾，雖然他認為謠言止於智者，不過有傳他為避風頭，年前「棄守」香港返內地拍劇，一年間被其他小生迎頭追趕，縱使Ron 在港人氣降溫，不過他依然樂天面對，更表示每次低潮都係一次學習的好機會。
Ron 認為現階段，他正處於學習的好機會，他說：「每個人都有高低起跌，處於高時唔好驕傲，處於低時好好學習，唔好人比人，每個人都有佢優點、缺點。（依家係高定低？）依家我正處於學習期，對我嚟講未嘗唔係好事，人一定有高高低低咁先好，有唔同嘅經歷先會成長，人生咁長，唔係每樣事情都係咁順利，俗語都有話經一事長一智。」
兼顧兩地市場
去年Ron 在內地拍劇，憑內地劇集《生死諜戀》成功打入內地巿場，令他十分喜悅。他說：「《生》劇喺內地成績好好，喺廣州電視台收視排第一，依家南京、北京電視台都話會買套劇返嚟播，真係好開心。（打入內地巿場？）有幾套內地劇傾緊，依家度緊期。（主力香港定內地發展？）應該會兩邊兼顧，但當然會著重香港巿場，始終扎根香港嘛。」
反應好鬆口氣
此外，對於主演劇《學警狙擊》現正播映當中，Ron 笑言每天心情都很緊張，他謂：「可能有一段時間冇喺香港出劇，所以今次《學警》出街，心情特別緊張，但聽到街上對套劇評價都唔錯，可以放下心頭大石。」
文：影視組
回想之前受負面新聞、緋聞纏擾，吳卓羲認為經一事長一智。
吳卓羲表示就算處於低潮時，亦絕不放棄，要努力學習，希望守得雲開見月明。
