劉心悠（Annie ）早前挑戰自我參加馬拉松，原來她一向有鋪跑步癮，最難忘是在台北車站慢跑，在人來人往的大馬路上悟出人生道理！
外柔內剛的心悠，無論對愛情觀抑或人生觀，總有一套獨特的想法，近日忙於為電影《愛到底》宣傳的她，坦言工作忙碌令她感到疲倦，但仍堅持每天跑步，十足「女鐵人」，她對此說：「我唔係女鐵人，只不過係對自己一個要求，我承認自己係一個幾『硬頸』嘅人，覺得應該做就要堅持到底，所以無論幾忙都會抽時間跑步。」
唔輕易放棄
提到早前參加馬拉松，心悠表示下次必定再參與，而提到跑步的難忘體驗，她說：「拍《愛到底》時係喺台灣取景，當時我住嘅酒店喺台北車站附近，我試過喺上班族放工嘅繁忙時間，著住運動衫聽住mp3 ，沿住大馬路跑步，感覺就好似自己集中咁做一件事，但又見到街上嘅人匆匆忙忙，感覺好得意。」她更在這段路程中悟出人生道理，她說：「我喺跑步過程入面學識咩叫堅持，唔好輕易放棄，其實做每件事只要抱呢個態度，好多事會容易做得好。」
嚇親余文樂
心悠又試過晨早六點在跑馬地跑完步，在茶餐廳吃早餐時巧遇余文樂，她說：「樂仔
拍完戲收工，見到我都嚇一跳，（因為冇化妝？）哈哈，可能係，佢問我係咪傻
，咁早落嚟跑步。」不過心悠一於少理，她認為晨早起身可令頭腦清醒，又可以做多些有意義的事。
文：呂曉風
攝：馬永堅
心悠雖然工作忙碌，但仍堅持每天跑步，更謂跑步令她領悟到不少人生道理。
不輕易放棄是心悠做事的態度。
