吳浩康（Deep ）舊愛胡定欣與情敵莊思敏曾因Deep 而鬧得非常不快，之前試過同場工作但全程零交流，前晚二人出席仁濟醫院周年慈善餐舞會再次同場，整晚兩人一個向左走一個向右走，似是刻意避開。當晚的嘉賓還有曾志偉和一班Sing 之天使及港姐等，而胡杏兒和胡定欣還擔任表演嘉賓。
力撐Deep 改過
問莊思敏可會跟胡定欣打招呼？她笑著反問說：「你會唔會同唔識嘅人打招呼？如果真係見到同埋有眼神交流都會嘅，但係唔會刻意。」她亦有留意關楚耀與[衛詩在日本涉藏毒一事，她覺得可以給他們機會改過。對Deep 亦曾試過藏毒？她力撐男友說：「佢依家都好乖仔，有人引誘佢，佢錯過絕對唔會再犯，最緊要係夠定力。」
讚馬國明好仔
胡定欣亦拒絕跟莊思敏合照：「大家唔識冇咁嘅需要，09 年要將08 年唔開心嘅嘢抹晒去，唔想再同佢兩個扯上關係。（咁同馬國明呢？）好呀！」提到馬國明她即一臉甜蜜，並說大家係好朋友，問她對方有冇潛質？她笑說：「有，佢喺行內口碑好好，又係當家小生，但我唔覺佢追我。（上C1 頭條喎！）呢啲C1 我唔怕上呀，多多都得，傳緋聞嘅對象咁好。（佢係咪你理想對象？）唔知喎，佢條件咁好，依家好難搵
喇！」
文：名人組
我都唔識你！（設計對白）莊思敏謂不會同唔識嘅人打招呼。
大家咁話！（設計對白）
莊思敏（右）同胡定欣同場避免碰頭。
胡杏兒為大會表演唱歌。
