我得兩個胸咋！（設計對白）
唔使袒胸露臂行catwalk ，周汶錡甚少讓胳肋底見光，上個禮拜五佢上《耳分高下》玩腳底按摩遊戲，更示範如何用腳趾展示勝利V 字，但佢否認Dr.Tim 口中嘅名模係佢：「唔好再研究我胳肋底，其實係粉瘤，可以割，不過我怕痛。」
早前，周汶錡出席一個汽車活動，右邊胳肋底（紅圈）再次出現褶痕，事後傳媒以「變幻莫測」嚟形容周汶錡，咁岩，Dr.Tim 口中嘅名模朋友，亦經常俾人話佢個胸「變幻莫測」，巧合成咁，無理由唔係你囉！
為咗令周汶錡以及鍾嘉欣（箭嘴）了解遊戲玩法，監製錢國偉專登播番嘅遊戲片段再加以講解，周汶錡一睇已經V 晒手，信心十足。
上個禮拜一晚（二月廿三日），八珍揸住錢八遊車河，沿途聽住商業一台嘅醫學節目《杏林茶》，點知俾八珍聽到單搞笑嘢！
節目主持人Dr.Tim 自爆同一位名模相交十幾年，對方經常俾人以「變幻莫測」嚟形容佢嘅胸部，加上名模胳肋底出現一條褶痕，所以經常俾人話隆胸，Dr.Tim 睇唔過眼，決定用醫學角度，講公道說話。
Dr.Tim 話之前同名模出席朋友生日派對，席間有人嗱隆胸新聞開玩笑，名模反駁話：「如果我隆胸，就唔會咁嘅size 啦！」
身為醫生嘅Dr.Tim ，亦即場觀察佢嘅胳肋底，得出以下結論：「根本係記者見識唔夠，嗰條褶痕其實係乳腺增生，生到上胳肋底，即係第三個乳房。」
Dr.Tim 話即場驗過size 同柑桔咁大嘅乳房，仲「又揸、又鍊、又唧」，證明名模絕無隆胸。當眾俾人驗胸，在場有人問名模有冇興奮感覺？Dr.Tim 搶答：「雖然個柑桔有乳腺組織，但無乳暈所以點揸都冇feeling 。」
玩遊戲玩到冇晒儀態除咗周汶錡，仲有Mandy ，玩腳底按摩露晒大牙肉，更狂風掃落葉刨走半支粟米。
名模雖然吸引，但只有十七歲嘅G.E.M.鄧紫棋現場都有唔少fans ，主持鄧健泓仲將佢食完嘅粟米送俾一位fans ，搞到對方面紅似就快爆血管。
