身在內地的余文樂早前因天氣嚴寒，加上嚴重缺乏休息時間，致令哮喘病發，要靠放氧「保命」。雖然抱病在身，阿樂仍遊飛機河，一星期內穿梭中、港還三個廣告債，可謂疲於奔命！
阿樂忙於在北京趕拍羅志良新片《荒村公寓》之餘，還要抽時間飛上海及返港拍廣告。北京天氣持續嚴寒，一直徘徊在零下二度至九度左右，令本身患有哮喘的阿樂苦不堪言：「連續三晚開大夜班，一拍就廿粒鐘，加上影棚空氣渾濁，有晚幾乎搞到要入醫院，不過因為要趕拆景交場關係，我知道一定唔可以『
』，惟有叫導演跳拍其他人戲份，等我可以返酒店放氧吸氣！」
狂食取暖頻如廁
阿樂與張雨綺連日來都在當地人喚作「鬼屋」的一間荒廢已久大宅內取景，最奇怪的是，室溫竟然較室外更低！阿樂說：「我哋喺屋裹面著到成隻
咁，因為好似走咗入雪櫃咁，行出去反而要除帽、除衫。（開工有冇拜神？）呢樣一定會嘅。」阿樂又表示日前被安排於「鬼屋」內拍攝一場入睡戲，身穿背心、短褲的他躺在床上冷得不停打震，惟有cut 機後狂食取暖：「最慘係附近設施差，食得多自然要搵洗手間，好唔方便囉。」
