46歲的羅嘉良（撈家）去年離婚回復自由身後，火速與34歲內地演員蘇岩共譜戀曲，拍拖四個多月即閃電訂婚。撈家昨日被問到籌備婚事以及未婚妻的過去時，統統以私人理由拒絕回應，但當問他婚禮會否大搞時，他透露都想，但要與未婚妻商量。
羅嘉良、袁詠儀、馬德鐘、陳敏之和馬國明昨日在山頂拍攝無線劇集《金錢誘罪》一場抬轎比賽的戲份，吸引不少遊客拍照。同劇的薛家燕做完膽手術後頻頻腹痛，要入院休養，雖然進度受影響，不過一眾演員相當體諒，還在慰問卡上簽名，監製莊偉建日內會將卡送到家燕姐手中。
羅嘉良趁空檔與靚靚談個不停。
《金錢誘罪》演員向薛家燕送上慰問卡，希望她早日康復。
羅嘉良避談未婚妻蘇岩以往的感情事。劇照
羅嘉良去年與內地演員蘇岩訂婚，他曾表示拍罷該劇後將籌備婚事，問撈家拍攝進度會否影響其婚事？他說：「拍完呢齣劇後，都要睇吓工作流程先至決定，希望可以喺今年年尾進行。」那麼會否大搞？撈家說：「會唔會大搞？我都想㗎，但要商量過先決定，私人事唔想講太多，感情事我一向低調處理，多謝大家關心。」早前蘇岩曾來港與未來老爺奶奶見面，其後更有指她曾結婚，撈家被問到二人都經歷過婚姻失敗，會否更加珍惜感情？他堅決地說：「呢件事之前已經講過，私人嘢唔會再講，總之開心啦！」
靚靚擔心家燕姐
袁詠儀（靚靚）則表示日前得到家燕姐的回覆，知道她正在康復中，袁詠儀說：「家燕姐send 短訊話我知，最快10日後可以返嚟開工，我知道佢入院都好突然，但我見過佢痛到面青口唇白，都忍唔住同佢講，其實佢仔女都大，可以唔使咁操勞，點知家燕姐話佢工作排到7月，之後先好好休息。」採訪、攝影：何慧斯
羅嘉良有意大搞婚禮，但要與未婚妻商量過後再決定。
http://appledaily.atnext. ... art_id=12421691
