關楚耀和衞詩在日本因為涉嫌藏有大麻而被捕，消息迅速傳遍全城，圈中人對事件皆感到驚訝，議論紛紛。形象一向健康的周潤發，昨日在尖沙嘴出席活動時說：「好不智，係咪要減壓呀？但減壓都有好多種方法，咁會影響歌手形象，之前已經有歌手喺台灣坐監。」
「要high 飲酒咪得咋」
謝安琪表示很擔心關楚耀。資料圖片
發哥續說：「唔知佢哋係咪嗱嚟自己食（大麻）？想要呢種感覺飲酒咪得咋，唔得就飲埋伏特加。不過如果加埋偷嘢就罪加一等，偷嘅嘢係值幾億鑽石就好犀利，如果afford 得起偷嚟做乜，之前都試過有藝人偷嘢俾人捉到，都有啲人唔係畀唔起個價值，而係貪過癮。都好嘅，今次受吓教訓，但都希望佢哋冇事。」曾與關楚耀合唱《四面楚歌》的謝安琪說：「我未了解，未知件事，轉頭返公司了解先算。未打電話畀佢，都會擔心佢唔知乜事。」陳志雲則說：「唔清楚件案件，唔作評論，當有正式結論公司先再作了解，我認為任何年輕年長人都有做錯事時候，最緊要佢肯行番正途，任何人都要支持。」採訪、攝影：魯萍、林妃、陳志嵐
周潤發認為用毒品來減壓，相當不智。
http://appledaily.atnext. ... art_id=12421632
