薛凱琪、馬偉豪前晚在吳君如主持的《星星同學會》節目上，大談女星博出位的技巧，其中導演馬偉豪更透露有女星為求開戲，不惜投懷送抱。
馬偉豪表示：「其實呢個情況，香港好少，內地就有，好似有次我坐喺梳化，有個大陸演員主動坐埋我身邊，仲挨埋嚟我度問劇本嘅嘢。可能每年戲劇學院好多學生畢業，為咗爭取演出機會，所以佢哋會比較主動。」
所有
都係扮
而薛凱琪就透露有次在台灣工作，見識到女星博出位技巧，她說：「有次在台灣宣傳，見到個台灣女星喺度講自己嘅緋聞，講講吓仲講埋緋聞男友嘅特徵，講完仲扮自己口快快講錯，之後就喺度喊，起初我都以為係真，但睇真啲原來所有嘢都係扮，後來我啲助手都話頂佢唔住。」
Jason 晒廣東話
此外，美國創作歌手Jason Mraz 前晚首次來港開騷，昨午以黑色唐裝扮相出席演唱會記招，甫出場即以廣東話表示：「大家好。」他表示前晚抵港後即外出四圍逛並品嘗美食，而上周六在台灣與方大同合唱，大讚對方的音樂才華，而演唱會當晚，他邀請方大同、薛凱琪擔任表演嘉賓，而騷前三人更一起綵緋。
文：影視組
薛凱琪日前在節目中，大爆台灣女星博出位的伎倆，令她佩服。
Jason Mraz （右）來港開騷，將邀請薛凱琪及方大同擔任嘉賓。
