現正在香港上映的電影《保持愛你》中，有5段愛情故事，並由14個演員分別演出，其中一個故事唐素琪（Chelsea ）與胡清藍是一對，卻要求男友先經過三個月試用期，更要逐一評分，Chelsea 說：「其實唔係話腌尖，只係好似probation （試用期）咁，因為怕會後悔莫及，所以先要慢慢評核吓先。」
左起：唐素琪、森美和Celina Jade 拍完《保持愛你》後成為好友。
Celina Jade 在戲中飾演空姐，並會痛摑一腳踏四船的森美。
唐素琪拍拖打交
問到現實中可會如此小心時，Chelsea 說：「梗係唔會啦，愛情係好唔實在嘅嘢，唔可以話好就剔，唔好就打交叉，如果成日計住會好
，我以前都試過同男朋友打交。」早已推出過愛情小說的森美，今次在戲中飾演花心蘿蔔，同一時間周旋於Celina Jade 、王敏奕、龔嘉欣和諸葛梓岐之間，他說：「我自己就真係冇呢個能耐，試過同時間同兩個女友一齊，但當時都唔係特登，因為真係唔好受。」他又說：「其實今次呢部戲都真係唔錯，有咁多靚女爭我一個，入咗戲真係唔想嗌cut 。」飾演森美女友之一的Celina Jade 今次扮空姐，與之前在《狼牙》扮女警演出有180度轉變，她說：「今次舒服好多，但係都有動作㗎，因為森美一腳踏幾船，穿煲之後要大大力咁摑佢！」採訪：藍文浩攝影：陳俊強場地提供：Nespresso Boutique （Elements ）髮型提供：唐素琪（Mad Ho of il Colpo ）、Celina Jade （Jackson Yung of il Colpo ）
唐素琪（右）與Celina Jade 分別在《保持愛你》的愛情故事中演出。
http://appledaily.atnext. ... art_id=12417285
