Karen 雖然被T 先生和父親數臭，不過她強調和黃長發是真心相愛，更自信地說：「我對這段感情好有信心。」
港男黃長發和富商T 先生三奶Karen （李姿霆）的「忘年戀」，「獻世」至今接近一個月，直至近日二人甘做「亡命鴛鴦」，喺草法國暫避鋒頭。誰知呢頭二人匿埋避世，嗰頭富商T 先生主動接受傳媒訪問，力數Karen 係最毒女人。
曾被親父數臭指男友「多到十圍枱擺埋
都唔夠坐」嘅Karen ，廿歲時曾在「藝能」娛樂公司擔任秘書，因工作關係結識多位圈中男星。日前有曾與Karen 共事的線人爆料，指她與當年多位當紮男星關係千絲萬縷，當中包括譚詠麟、曾志偉、何家勁和莫少聰。不過當年白白淨又省鏡的Karen ，據知最後被「藝能」高層李小麟「私有化」。
被T 先生經濟全面封鎖的Karen ，原來過去蕩史一籮籮。
T 先生鄧X 群 一直保持緘默的富商T 先生，日前現身力數三奶Karen 是大話精，更指她「搵個23 歲細路，錯到不得了。」
去年12 月6 日，港男黃長發在一個party 邂逅比她大16 年的富商三奶Karen （李姿霆），自此引爆一段忘年孽戀。高呼「搵到真愛」嘅Karen ，決心以39 歲高齡，放棄「麵包」唔做富商三奶，選擇和23 歲花𡃁黃長發一齊。愛情至上的她，據知就如她親父所說，以往男友多到數唔晒，而當中更牽涉多位當年的當紮男星。
莫少聰
何家勁
「藝能」高層李小麟：我對佢一嘅印象都冇！
曾志偉：佢（Karen ）以前性格好純品，不過依家好少聯絡。
阿倫：李小麟同佢最熟，我會用嚴肅眼光去望佢。
導演錢永強：唔只我一個食佢豆腐。
伍思凱
男星狂
「白白淨」
據知，學生時代的Karen 已迷戀當時的當紅台灣歌星伍思凱。為親近偶像，她中學畢業後即寄求職信到電視台、電台和多間娛樂公司。其後她加入「藝能」做接待員，由於皮膚白皙加上五官標致，即使見慣靚女的男星，亦對她暗暗嗒糖。「Karen入『藝能』嗰陣得廿歲，佢係伍思凱fans ，成日求人帶佢去見偶像。佢嗰時比起依家單純好多，人講乜佢就信乜，好多男星喺reception 行過，都會口花花撩佢，仲幫佢起咗個花名叫『白白淨』，有嘅明星直情約佢食飯睇戲，Karen 見可以同明星一齊，次次都
飯應話去。」曾與Karen 共事的線人透露。
自恃後生省鏡的Karen ，當年周旋在多位男星之間，當中包括「藝能」旗下的當紮小生何家勁和莫少聰。「阿勁同阿聰嗰時因為單身，見Karen 靚女，成日話要約佢出街，仲口花花叫人做佢哋女朋友，次次Karen 笑住話好，仲扮到靚一靚同佢哋出街。」不過天性愛玩的Karen ，只視對方為拍散拖的對象，關係並不固定。
張耀榮二姨太（右三）所生的女兒，02 年嫁給鄧X 群（左一）次子鄧偉業，不過張耀榮坦言現階段不敢聯絡親家，以免尷尬。
從鄧X 群提供給《壹週刊》的照片中，02 年次子結婚時，Karen 亦有盛裝赴宴，更與他的正室握手。力證Karen 「不知道他有老婆」的言論純屬大話。
Karen 決心離開，選擇和黃長發一齊，對此鄧X 群曾忠告她說：「你小心俾人呃晒嘅錢，連累埋個女呀！」
Karen 多次與黃長發甜蜜「遊街」，令鄧X 群忍無可忍，決定斷Karen 財路，他坦言：「佢以後就要靠自己啦！」
志偉開P 必預Karen
Karen 最熟的男星反而是當時紅極一時的譚詠麟和曾志偉。「志偉同阿倫最鍾意吹雞叫人落吧同卡拉OK ，Karen 嗰時雖然係妹妹仔，不過就好飲得，所以阿倫同志偉次次都嗌埋佢。」而Karen 最近接受訪問時，亦坦言和曾志偉最熟。「我同志偉依家都仲有聯絡！」
而在「哎
老公」T 先生提供給傳媒的電話錄音帶中，Karen 更自豪地說：「我20 歲開始拍拖，未試過追人，只有人追我啫！」本刊日前致電何家勁和莫少聰，但至截稿前仍未有回覆。
不過，男星圍住Karen 氹氹轉的現象只維持年多，因為當時「藝能」高層李小麟亦對Karen 「起痰」，其後更將Karen 由接待員升為自己的私人秘書，實行近水樓台。基於老闆對Karen 進行「私有化」關係，其他男星亦識趣打退堂鼓。最後Karen 亦順理成章和李小麟拍拖，雙方關係維持接近三年。其後李小麟認為二人關係在公司易招人話
，遂叫Karen 辭職，專心做自己背後女人。
記者早前致電李小麟，現時擔任北京天中映畫有限公司總裁的他，在電話中堅稱對Karen 冇印象。「其實係你哋打嚟話我聽邊個係Karen ，我對佢一嘅印象都冇！（Karen 係咪做過你秘書？）冇印象！（但阿倫同志偉都肯定Karen 做過你秘書，仲話同你最熟喎？）真係冇印象！（我哋知Karen 同過你拍拖喎？）你哋唔使套我講嘢，總之冇印象。」隨即匆匆收線。
Karen 現時仍與鄧X 群聯名擁有市值千萬的西貢匡湖居物業，至於百萬Benz 則被鄧沒收。
賣豪宅結識「鞋王」
天生好動的Karen 後來經友人介紹，成為地產經紀，促成她日後成為富商鄧X 群三奶的契機。據知，Karen 做地產經紀初期，一直抱住「玩玩吓」心態，所以只專注做一般私人住宅買賣，但其後眼見同事sell 豪宅賺到盆滿缽滿，因此亦向公司申請調往中半山專賣豪宅的分行，而此時與李小麟分手的她，據知亦曾和數位買樓的客人拍過散拖。直至02 年，感情一直未有喺落的Karen ，經女友人介紹下，結識當時已有兩個老婆，有鞋王之稱的T 先生鄧X群。得知他熱愛炒樓，Karen 即全副心機幫鄧搵心水靚盤，密集式相對下，二人旋即打得火熱，即使已知對方有兩個老婆，Karen 亦心甘命抵做鄧三奶。
黃長發和胞兄黃長興先後參選港男，對於細佬戀上39 歲Karen ，黃長興由最初唔睇好二人，直至最近轉口風表示全家上下都支持細佬決定。
黃長發和Karen 相識短短兩個月，卻可令Karen 毅然離開相對六年的「米飯班主」，鄧在接受傳媒訪問時坦言為此「好失望」。
反轉豬肚招來招往
一心打算享齊人之福的鄧X 群，初時見Karen 聽教聽話，曾奉送多幢物業給對方，包括匡湖居、海逸豪園和半島豪庭，另送贈近百萬的CLS350 Benz ，更和Karen 在04 年誕下女兒。直至去年年尾，鄧X 群在Karen 日記中，發現她和黃長發秘密行埋，即聘請私家偵探偵查二人行蹤，更派出「哎
外父」和「哎
舅仔」多番質問Karen 和黃長發的關係，又沒收Karen 的Benz 。最後指使「哎
外父」致電周刊爆Karen 大鑊，更公開疑是黃長發所發的挑釁SMS ，實行和Karen 一拍兩散。
至於一早收到風的Karen ，未等周刊出街，亦即時和愛郎黃長發相約相熟記者，主動在鏡頭前上演一幕又攬又啜的火辣場面。黃長發更揚言為了Karen ，會退出娛樂圈，轉行做會計文員。「我覺得佢(Karen)身世好可憐，我哋係真心相愛。」明剃鄧X 群眼眉。
Karen和黃長發的香艷照片出街後，怒火中燒的鄧X 群，即大閂水喉，中斷每月付給Karen 的八萬元家用和十萬元三個月的信用卡簽帳額，斷Karen 財路。
不過「戀愛大過天」的Karen ，又與黃長發開記招「歌頌真愛」，同一時間，一直企喺鄧X 群一邊的Karen 親父，卻帶同五歲外孫女到警署，指曾受「侵犯」。但Karen卻闊佬懶理，繼續拖實黃長發人前煙韌拍拖，又同時接受多份報紙訪問，放風指鄧想爭女兒撫養權。對此她說：「BB 係我十月懷胎生出來，佢有乜資格嗱番，佢又有大婆，又有二奶，BB 跟住邊個都唔及跟住自己媽咪好。」
拒爭撫養權
直至周一（23 日），一直保持緘默的鄧X 群，相約相熟傳媒，手執親撰的三言詩和與Karen 的電話錄音帶，實行盡訴心中情和盡爆這段牽涉多人的孽戀內幕。鄧X群說：「佢做出咁多事嚟呃我，你認為我哋仲可能復合咩……我已經有五個孫啦，唔使再爭個女嘅撫養權，你諗吓，我爭番個女嚟交俾邊個湊呀！」
「哎
老公」講到明和Karen 相識猶如桃花劫，唔會再做「傻仔」俾人呃落去，更指明唔會再為女兒供基金。
呢齣有錢人三奶紅杏出牆嘅醜聞劇，所有人都係輸家，最終不過成為全城人笑柄。呢齣劇仲有冇下文呢？
在鄧X 群親撰的三言詩中，直言和Karen 相識是「桃花劫」，更指明Karen 後悔想回頭已經太遲，一首詩道盡與Karen 已恩斷義絕。
桃花劫，今朝醒
六年遇，如煙雲
拜觀音，重口德
過去事，何追問
將來事，天曉得
百行事，孝為先
因果報，必自受
最可悲，禍及兒
問世事，情何物
千金盡，萬物變
再回首，後悔晚
記者日前到東莞訪問鄧X 群廠房員工，該名陳姓女員工表示，「老闆嘅私事我哋唔敢去理。」
除了「鞋王」美譽，鄧X 群在行內亦有「名牌保母」稱號，因鄧在行內屬老行尊，不少新牌子波鞋需要開發及代理採購，都指明要找他協助。
鄧X 群06 年和正室朱X 韶奪得「世界傑出華人獎」榮譽，為港人爭光。
在澳門成長的鄧X 群，和澳門特區行政長官何厚鏵亦頗熟絡。
朱X 韶年少時曾被市體委挑選成為體操隊員，早前她應傳媒要求喺上體操衣表演單槓。
「世青」鞋王
鄧X 群Patrick ，現年66 歲，在澳門成長，香港創業，最初由一個普通的打工仔，搖身變成擁有三萬名員工的「亞大鞋業集團有限公司」主席，公司業務遍布全球，合作品牌包括Reebok 、Adidas 、Kappa 等名牌波鞋。經營鞋業超過三十年的鄧X 群，在行內更享有「鞋王」美譽，直至02 年才辭去上市公司主席，把生意交給兒子打理。
除了香港業務，鄧X 群在內地多個省份亦開設鞋廠，他和同是奪得「世界傑青」的正室朱X 韶在東莞開設銀輝和金輝鞋廠。本刊記者到該鞋廠採訪，發現兩間鞋廠規模龐大，除了多座廠房外，亦設有員工宿舍和籃球場等，守衛森嚴。
除了經營鞋業，鄧X 群又熱衷地產買賣，曾投資尖沙嘴港晶中心、朗豪坊等，賺近十億港元，近年仍活躍於豪宅買賣，曾投資擎天半島、凱旋門等，獲利數千萬，身家達二十億。
絕密聲帶曝光
雖然現在Karen 和黃長發愛得癡纏，但相戀初期，Karen 多次和鄧X 群在電話中，拒絕承認和黃長發一齊。
23/1/09 拒認愛郎
人物鄧X 群（鄧）及Karen （K ）
鄧：你唔好講大話好唔好？
K ：……仲有乜嘢好講啫！仲要掛住佢仲要提住佢呀？仲提呢啲人做乜？
鄧：你都同阿娜（Karen 密友）講，條死仔真係有追你，係追你呀，而你亦都係有種拍拖嘅feel ……咁我對你坦白，你都唔可以對個老公坦白，你點樣改過？
K ：咁我想你安心嘅，咁我都話人哋唔係追我咯，佢點追我啫？……佢都冇電話……
鄧：因為你身痕嘛，成日諗住同人拍拖……咪俾人迷鬼住，好似落咗降頭咁呀嘛，咁你真係要洗心革面呀老婆，你以後都唔好再同我講大話……
8/2/09 攤牌分手
人物鄧X 群（鄧）及Karen （K ）
鄧：你想講乜？
K ：我諗我冇可能同你喺埋一齊。
鄧：係唔係同法國仔（黃長發）？
K ：唔係。
鄧：你唔同我一齊咪唔一齊，無問題，唔好同法國仔，一定呃你。
K ：OK ，我要話你知，我唔想同屋企人住，頂唔順，好唔開心，咁大個人仲管住我。
鄧：你太任性，你好錯，做得好錯。大家都為你好。你同個廿零歲𡃁仔一齊，個個都好失望。
K ：唔會，你放心！我唔係同法國仔一齊，真係唔會。
鄧：你有嘢要幫忙搵我。
K ：我真係好多謝你呢幾年照顧我……你始終係BB 爸爸，我已經好
，所有人咁樣逼我，逼到我就快黐線……我知道你為咗我好擔心，sorry 呀……我成日打電話俾你，搵唔到，我就會諗一大餐，我就算行唔開都死跟住你，其實我好辛苦你知唔知？
鄧：我知我知，所以你心魔解決唔到就冇辦法一齊……呢個法國仔擺明呃你啦，唔好話唔係啦！
K ：都冇同佢開始過，只不過係朋友，係你哋個個都唔信……。
