小豬同李毓芬第一次合作就撻喺，證明小豬從來冇遵守白龍王所講，「戒色必紅」規條，最緊要食得唔好
。
唔使著白色褲仔跨欄踩單車，亦從來無感受過何謂月經前緊張，小豬羅志祥居然可以
庄，成為衞生巾代言人。
打破傳統框框，小豬嘅「衞生巾」效應果然work ，升任為月經大使後無論人氣、工作量都同步上升。當衞生巾係吉祥物嘅小豬，最新續約代言金額上漲五倍，更與廣告女主角、有「翻版徐若瑄」之稱嘅23 歲𡃁模李毓芬撻喺，人財兩得。
處男之作
06 年，小豬事業再起步，便接下平生第一個廣告，咪就係衞生巾囉。
第一輯廣告中，講小豬嘅女朋友月經到，個肚痛到出唔到街，於是小豬自動請纓幫佢買衞生巾。
呢種
現實生活之中，如有雷同、實屬巧合嘅橋段，何止令小豬人氣急升，廣告出街後亦大受台灣女士歡迎，市場好多女性品牌相繼跟風，搵男星sell 化妝品同護膚品，小豬簡直杜絕女星搵錢門路，開拓男星踩場爭飯食嘅另類市場。
自從拍完衞生巾廣告，小豬事業運從此順風順水，更帶起男明星拍女性用品潮流，包括仔仔周渝民拍唇膏廣告，吳尊同賀軍翔亦先後成為女性護膚品牌代言。
名利雙收
早排小豬續約再拍衞生巾廣告，即刻賣口乖話：「當初這就是我的第一支廣告，自從代言女性用品之後，我的廣告代言量不斷增加喔！今次的代言費也漲了五倍。」
據知，當年小豬處男下海價只有80 萬台幣（約18 萬港元），今次續約價已經高見400 萬台幣（約89 萬港元），學何博士話齋：冇法子窮。
今次新一輯廣告，繼續以「好朋友」作為宣傳口號，即係月經嘅代名詞，成功取締台灣多年嘅用語「大姨媽」。
廣告中，小豬稱月經為「好朋友」，上個禮拜佢嗱住宣傳標語到小學sell 衞生巾，向一班小五學生解釋青春期現象：「希望男孩要善盡好朋友責任，看到女同學因為『好朋友』來了不舒服，應該表達關懷與幫忙。」但班𡃁仔個樣，想嗱簽名多過想聽你講耶穌囉。
邀拍MV
早在去年12 月，新一輯廣告已經開始拍攝，品牌商搵嚟現年23 歲、有「翻版徐若瑄」之稱嘅𡃁模李毓芬做女主角。
李毓芬
台灣名氣一般，能夠同天王小豬合作，拍廣告當日開心到語無倫次：「很害羞，一直在NG ，我覺得小豬很帥、很親切、很舒服。」
小豬聽到「很舒服」三個字，即刻搞爛gag ：「舒服？這是第一次有女生這樣稱讚我，很特別！不過還是很開心，要不要乾脆說我是『衞生棉』好了！」
第一次見面已經互有好感，小豬更打蛇隨棍上：「下次有機會可以再合作拍MV 啊！」
1/2 11:50pm
小豬同老友Topy 以及Topy 女友三人行去信義區威秀影城睇戲，離開戲院時同路過嘅fans 揮手打招呼。
11:52pm
同朋友道別後，小豬一個人去停車場嗱車返屋企，沿途左望右望，非常鬼祟。
2/2 01:50am
大約凌晨一點九，小豬樓下嘅保安，
大廈範圍四圍巡視，幾分鐘後，早已返到屋企休息嘅小豬忽然揸車外出，過咗一陣，李毓芬坐的士抵達，再以摩打腳跑入屋苑，之後小豬就揸返架車返屋企停車場。以車護女，呢招前掩後2.5 ，誇咗嘅。
2/2 03:59am
凌晨三點二十分，享受完溫柔鄉嘅小豬，載住李毓芬離開，不過只係車佢去附近搵的士。當記者上前影相，小豬即刻踩油走人，李毓芬上到的士掩面驚叫，做賊咩？
偷情斷正
雖然小豬嘅MV 承諾冇兌現，但兩人私下就頻頻約會。今個月初，小豬出發去泰國拍百事廣告前一晚，同朋友睇完戲，就約咗李毓芬返屋企短聚。
歷時九十分鐘密室偷情，半夜三點幾小豬駕車載李毓芬到附近截的士返屋企。記者上前拍照，李毓芬驚到「啊～啊！」大叫，更用手掩面冇膽面對鏡頭。
東窗事發，兩位小情人半夜三更急忙致電經理人求救，要坐朝早八點鐘飛機嘅小豬，更加成晚冇訓同經理人煲電話粥諗計解話，以下係通宵度橋得來嘅回應：「昨晚只是打麻將，還有阿妹（張惠妹）的助理小蒨，和小豬的朋友在他家。」
講真句，得嗰九十分鐘，打四圈牌唔
庄都未必夠時間，不如乾脆話C 朗上身踢咗場「友誼波」罷啦。
真
假︰雖然生得似徐若瑄，但無助李毓芬嘅星運，只係舊年有機會返大陸拍電視劇《生死孽緣》，反而搭上小豬，人氣即時見紅。
李毓芬檔案
綽號：翻版徐若瑄
出生日期：1985 年5 月11 日（23 歲）
身高：163cm
體重：43kg
三圍：32C 23 35
小豬拜神嘅對象相當廣泛，就連四面佛都岩，每次去泰國公幹，必到四面佛廟參拜。
小豬嘅大迷信性格，其實係遺傳自豬媽（圖右），每次豬媽開口去拜神，小豬如果得閒的話，必跟。
泰國還神
溝女斷正小豬已經唔係第一次，早排仲俾人翻出舊情臭史，兩年前曾經搭上做陪酒女郎嘅「柔柔」，搞到多次要為事件澄清。
黑仔事件之後亦接二連三，除咗鬧咗成個月嘅唱片銷量買榜風波，較早前小豬到花蓮縣，為2009 九鴻牛祈福元宵節晚會擔任表演嘉賓，因為
後台拒絕同文化局長吳淑姿合照，而傳出被當局封殺消息。
黑成咁，小豬飛去泰國拍廣告期間，專登去四面佛拜神，花4,500 港元買鮮花祭品，再請人跳舞祈福兼還神，希望唔使用碌柚葉沐浴露，都可以洗晒嘅衰氣。
11/2 01:25am
繼買榜事件得罪唱片業同行，小豬早排更得罪局長級官員，黑成咁，聽到朋友話「烘爐地」土地公好靈，即刻嚟拜神趨吉避凶。
小豬上香時口中唸唸有詞稟神，祈求新一年運氣高漲，唔好再犯小人。
拜完土地公，怕煙嘅小豬戴上口罩，去買衣紙準備拜祭，個樣仲鬼咁認真。
再拜土地
去完泰國拜神，返到台灣冇幾耐，小豬跟朋友到台北縣、中和南勢角嘅「烘爐地」拜土地公。
「烘爐地」出名招財、增運，善信多數半夜先去拜神，所以小豬2 月11 日凌晨一點多到達「烘爐地」，依照拜神規矩，用三個五十蚊台幣，換取三個一蚊台幣．之後行去摸土地公佛像，再將三個一蚊入落紅色利是封放
銀包，最後小豬買咗一大堆用嚟「增運」嘅衣紙，邊燒邊讀出衣紙上嘅經文。
不過，盲字都唔識多隻嘅小豬，好多經文上嘅字都唔識讀，佢唯有尷尷尬尬話：「神明對不起，我不會唸，你了解就好。」
