四葉仔女羅仲謙（謙仔）和龔嘉欣（Katy ）早前到香港名勝姻緣石求姻緣，兩人不斷在鏡頭前「耍花槍」，Katy 直認望住謙仔時會面紅心跳，謙仔更自爆有心儀對象，二人甜蜜程度爆燈！
Katy和謙仔早前齊齊去姻緣石求姻緣，兩人要由山腳行約20 分鐘才到達姻緣石，認真夠晒誠心，Katy 說：「我又唔覺得太過辛苦呀，雖然我平時都少做運動，但今日都OK 呀！」
誠心參拜
抵達姻緣石後二人細心地聽廟祝謝姑娘講解姻緣石的由來，更教他們如何拜姻緣石，此時謙仔已急不及待準備開始求姻緣。
跟著他們拿著香燭向姻緣石誠心參拜，謙仔說：「其實我最想求人緣，因為做呢行最緊要係人緣，咁姻緣方面就隨緣啦！」
打情罵俏
謙仔又自爆目前正有一位心儀對象，他說：「我心目中都有合眼緣嘅女仔。（係咪Katy ？）我同佢太熟喇，未入行已經識，我好享受同佢嘅朋友感情。」拍攝期間他們拖手攬腰打情罵俏，問到Katy 有否對謙仔動心？她說：「哈哈，我又唔敢100%肯定唔會同佢一齊，始終佢都係靚仔，咁叫我講都會面紅
嘛！」
採訪：專案組
攝影：沈健程
化妝：Sammy Lam
髮型：Louis Lam@Tete Private
羅仲謙與龔嘉欣默契十足，對著鏡頭毫不害羞，大擺親密甫士拍照。
嘉欣細心看著謙仔在寶牒寫上願望。
兩人誠心參拜。
