陳冠希（Edison ）為慾照案作供，確認了四位受害女星身份，曾與Edison 傳過緋聞的傅穎（Theresa ）、Rosanne 和Amanda S.終於還以清白，Theresa 更反轉豬肚說：「唔識Edison。」
Theresa 昨日出席活動，記者指她的緋聞男友Edison 上庭，Theresa 反應甚大地說：「乜呀！我本身同Edison 唔算朋友，唔熟又唔識，連電話都冇，我咪生豬肉？」記者指她沒可能不認識Edison ，她只笑而不答。
Rosanne 清者自清
身在新加坡的Rosanne 接受電話訪問說：「我唔會回應，已經唔關我事，我唔需要佢還清白，清者自清。」有傳鍾欣桐三月復出，卻撞正案件開審，Rosanne 嘆謂：「好慘！搞到唔可以開工，大家都要搵飯食。」
Amanda S.則說：「就算依家唔肯定四個人，大家都會認為係佢哋，好似美國嘅Paris Hilton 咁都冇事，只係香港人太保守。」而鄧麗欣與Maggie Q 均透過發言人表示，對案件不作回應。
傅穎居然表示不認識陳冠希，令在場記者愕然。
