我從來唔放料！(真實對白)
上週六（21 日）陳法拉返無線為新劇《有營煮婦》開工，問到傳諸葛梓岐靈堂放料一事，佢話：「我只會做好自己嘅工作，我唔comment 呢個人。」劃清界線。25 歲「好立克妹」諸葛梓岐靠廣告起家，超齡出道未算𡃁模，名模之路仲遙遠，要上位，惟有諗計。
出道半年，據知諸葛梓岐甚懂與傳媒交手，甚至傳她放料博曝光，加上搭上筍盤Neway 二太子薛嘉麟，拖住家族身家達七億闊少，做足真人騷，行街食飯任影唔嬲。
最誇張連早前出席薛家喪禮都有週刊大肆報道，搞到低調的薛世
（薛大少）女友，未來大嫂陳法拉都話：「我唔comment 呢個人！」藐爆諸葛梓岐。
薛老太唔會嬲！(真實對白)
上週五（20 日）諸葛梓岐升格同熊黛林一齊做騷，問佢夾新聞驚唔驚薛老太嬲，佢話：「我從來都唔夾新聞，同埋薛老太係讀書人明白事理，唔會嬲！」
10/2 事發當日
諸葛梓岐話自己冇化妝，冇set 頭足以證明自己冇放料畀記者喎，即係以後如果見到佢化晒妝又set 行頭，大家明乜事啦。
前週四（12 日）諸葛梓岐同二少薛嘉麟拍拖到太古廣場睇戲，嗰度出名係狗仔隊勝地，諸葛梓岐喺停車場繑實嘉麟隻手，擺明唔驚記者影到。
哎
妯娌
陳法拉同大少薛世
拍拖兩年多，被記者撞破次數少之又少，06 年戀情首次曝光，法拉仲驚到即刻拉低車頭防曬。
上年𡃁模橫行，身為諸葛亮後人、25 歲先入行的諸葛梓岐明顯起步遲，雖然出道時有「好立克」廣告日播夜播，但keep 唔住個勢，諸葛梓岐為求彈起另有計算。對於初出道只有5 千蚊騷價的她，靠新聞造勢，騷價近日急彈至2 萬，上週更孖住被指靠郭富城緋聞上位的熊黛林，齊齊出席跑車活動。
廣告︰高調梓岐
諸葛梓岐初出道時拍過好立克廣告，不過大家印象都唔係太深。
電影︰入行之後頻頻見報，即刻工作量提升，仲有份做《保持愛你》，不過都係屬於大茄一角。
行騷︰靠緋聞上位呢條方程式，熊黛林就係最成功例子，有樣學樣嘅諸葛梓岐都唔輸蝕，憑住薛嘉麟一彈上位，上週同熊黛林一齊做騷。
擺男家上枱與傳媒打好個底，都要真係有料宣傳先得。巧合地，諸葛梓岐的戀情亦有話題，她與Neway 二太子薛嘉麟今年初才撻喺，但已多次被人拍得拖手食飯等斷正圖片，諸葛梓岐亦由好立克妹變成Neway 準新抱。
據知前週薛老夫人（薛世
、薛嘉麟祖母）的喪禮被雜誌圖文並茂，更拉埋與薛家大少薛世
拍拖近兩年的陳法拉落水，標題為「靈堂爭寵」，據知此舉令低調薛家相當尷尬，法拉亦冇癮。
「嘉麟同佢（諸葛梓岐）一齊成日俾人影到，擺明有人做新聞博上位啦，估唔到連喪禮都影埋！」據知情人士透露。不過對於靈堂放料一事諸葛梓岐就激動澄清。「我嗰日冇化妝、冇set 頭，點會想俾人影到呀！同埋我從來都唔夾嘢，我只會做公司安排嘅工作。（怕唔怕薛媽媽嬲？），薛老太係讀書人，明白事理唔會嬲！」
1 個月賺番晒'08 9 月-'09 1 月：6 個騷
'09 2 月：4 個騷
低調法拉
陳法拉同薛世
拍拖兩年都非常低調，行街、拍拖未被人影過，就算法拉喺薛世
屋企，佢都鬼鬼祟祟慌死人影到。
「從來唔放料！」一直同薛世
拍拖嘅陳法拉，雖然拍拖期間被傳媒影過，不過法拉永遠死口唔認，仲一直堅稱同薛世
關係只屬朋友，將關係低調處理，聽教聽話，不過據知「靈堂爭寵」報道出街後，法拉對諸葛梓岐的不滿升級。
F ：《FACE 》 陳：陳法拉
F ：諸葛梓岐話同你靈堂好多偈傾喎？
陳：打過招呼咁囉，上次嘅場合（喪禮）唔會講到好多嘢。
F ：聽講諸葛梓岐去靈堂都放料畀記者影，你點睇？
陳：我從來都唔會放料，我只會做好自己嘅工作，我唔comment 呢個人！其他人嘅事亦唔關我事。
元祖教母夏蕙姨
夏蕙姨鍾意盛裝出席喪禮，諸葛梓岐去喪禮就鍾意唔化妝、唔set 頭，論搶鏡度都係夏蕙姨贏。
殯儀之星每逢娛圈有白事，黃夏蕙例必set 行頭、搽紅唇、化濃妝出現博見報。之後被傳媒指為「殯儀之星」，此後，每逢有人藉去喪禮而博見報，都會被冠以「殯儀之星」。唔知諸葛梓岐今次會唔會做到夏蕙姨接班人呢？
