卓韻芝和MR.樂隊男友M.J.前晚拍拖到灣仔演藝學院欣賞本地組合Primary Shapes 的音樂會，其他嘉賓還有胡杏兒、黃宗澤、陳詩慧和薛凱琪等。卓韻芝剛從澳門回港，故拉著拖篋到場。
男友欠交電話費
問卓韻芝如何和男友共度第一個情人節，她甜笑說：「都係開開心心，冇乜激嘢，本來諗住有少少surprise ，send 個短訊畀佢，點知佢冇交電話費，俾人cut 台，成個surprise 都泡湯，但佢送咗樣好重要同好有心思嘅禮物畀我。」對於早前被拍得和男友買安全套，卓韻芝坦言不介意，覺得一人做事一人當，反而M.J.擔心其他隊友怎樣看他。胡杏兒和緋聞男友黃宗澤合照時很避忌，有指陳詩慧包養杏兒的姊姊，杏兒語帶抗拒說：「大家係朋友，我冇睇過報道，我家姐而家有冇拍拖，唔使大家關心。」陳詩慧則澄清說：「乖豬，唔關事。唔係真嘢，有啲咁嘅新聞都幾特別。」採訪：駱華齡攝影：黃偉雄
卓韻芝和男友M.J.拍拖睇騷，並讚男友送禮有心思。
from
http://appledaily.atnext. ... art_id=12336633
